1Sam 10:22 - ÎVUKU RÎA ÛVORO MWARO

²² Kwoguo nîmaaûririe Ngai-Mûnene atîrî, “Nî kûrî na mûndû wîngî ûtarî ava?” Nake Ngai-Mûnene nîwacokirie na akiuga atîrî, “Taroria, Saûlo ethithîte kûrîa mîrigo igagwa.”

1Sam 10:22 ပူးပေါင်းရင်းမြစ်များ

Kîam 25:22

Îvu rîu rîarî rîa mathatha, na mbere ya aciara, ciana icio nîciagianaga. Rebeka nîweyûragia gîtûmi Kîam ûndû ûcio wîkîke. Kwoguo nîwathiîre kûrî Ngai-Mûnene kûmûria gîtûmi Kîam ûndû ûcio.

2Sam 2:1

Vuva wa maûndû mau, Daudi nîwaûririe Ngai-Mûnene atîrî, “Nîûkwenda nthiî ngatave îtûûra rîmwe rîa Juda?” Nake Ngai-Mûnene nîwamûcokerie atîrî, “Îî thiî.” Daudi nîwaûririe atîrî, “Nî nthiî îtûûrarî rîrîkû?” Nake Ngai-Mûnene nîwerire Daudi atîrî, “Thiî Heburoni.”

2Sam 21:1

Vîndî îrîa Daudi aathanaga, nîkwagîre na yûra înene îvinda rîa mîaka îthatû. Kwoguo Daudi nîwavoire Ngai-Mûnene, nake Ngai-Mûnene akîmwîra atîrî, “Saûlo na andû a mûciî wake nîo matûmîte kûgîe na yûra nîûndû wa aûragani; nîmaûragithîtie andû a Gibeoni.”

Ndari 27:21

Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Atir 1:1

Vuva wa Joshua gûkua, Aisiraeli nîmaaûririe Ngai-Mûnene atîrî, “Gatagatîrî ka mîvîrîga yetû-î nî mûvîrîga ûrîkû ûkwîthîrwa ûrî wa mbere kûthiî kûrûa na Akanaani?”

Atir 20:18

Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”

Atir 20:23

Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.

Atir 20:28

Nake Finehasi, mûvîcî wa Eliazaru nîke warîmenyagîrîra. Eleazaru aarî mûvîcî wa Aroni. Andû a Isiraeli nîmaaûririe Ngai-Mûnene atîrî, “Nî waro tûthiîte kûrûa na andû etû a Benjamini rîngî, kana twîkare?” Nake Ngai-Mûnene nîwamacokerie atîrî, “Thiîni mûkarûe nao. Rûyû nîngaamûvotithia kûmavoota.”

1Sam 10:21

Samueli nîwaugire, atî andû a nyomba cia mûvîrîga wa Benjamini mathiî vakuvî na Ngai-Mûnene, na andû a mûciî wa Matiri makîthuurwa. Mûthiiarî, ke nîwaugire arûme a mûciî wa Matiri mathiî mbere ya Ngai-Mûnene na Ngai-Mûnene akîthuura Saûlo, mûvîcî wa Kishu. Nao nîmaamûcaririe, nwatî matiamwona.

1Sam 14:37

Nake Saûlo nîwaûririe Ngai atîrî, “Nie nîmbagîrîrwe nthiî ngarûe na Afilisiti? We nîûgûtûvotithia kûvootana?” Nwatî Ngai ndaacokeria Saûlo mavoya make mûthenya ûcio.

1Sam 15:17

Nake Samueli nîwerire Saûlo atîrî, “Wana ethîrwa wîyonaga takwa ûtarî vata, Ngai-Mûnene nîwagwîtîrîrie maguta ûtuîke mûthamaki wa Isiraeli,

1Sam 22:10

Nake Ahimeleku nîwavoire Ngai-Mûnene vandûrî va Daudi na nîwacokire akîva Daudi irio na akîmûnengera rûviû rwa Goliathu ûrîa Mûfilisiti.”

1Sam 23:9

Rîrîa Daudi aamenyire atî Saûlo aarî na mûvango wa kûmûtharîkîra, nîwerire Abiatharu mûthînjîri-Ngai atîrî, “Ndetere efodi ava.”

1Sam 30:7

Nake Daudi nîwerire mûthînjîri-Ngai Abiatharu mûvîcî wa Ahimeleku atîrî, “Ta ndetera efodi.” Nake Abiatharu nîwavirîre Daudi efodi.

1Sam 30:8

Nake Daudi nîwaûririe Ngai-Mûnene atîrî, “Nthiî nûmîrîre gîkundi gîkî? Nîngûgîkinyîra?” Nake Ngai-Mûnene nîwacokirie atîrî, “Îî kîrûmîrîre nîûgûgîkinyîrîra na ûvonokie andû arîa atave.”

1Sam 9:21

Nake Saûlo nîwacokirie na akiuga atîrî, “Nie nîrî wa mûvîrîga wa Benjamini. Mûvîrîga wa Benjamini nîguo mûnini viû kûu Isiraeli. Nao andû a mûciî wakwa nîo methagîrwa marî anini mûno gûkîra andû arîa engî kûu mûvîrîgarî ûcio. Nîndûî vi kîratûma ûmbîre ûguo?”