1Sam 10:19 - ÎVUKU RÎA ÛVORO MWARO

¹⁹ Nî nie Ngai wenyu, ûrîa ûmûvonokagia kuuma mathînarî na mîtangîkorî yenyu yonthe, nwatî mue nîmûndiganîrîtie na mûkambîra nîmûnengere mûthamaki. Ûguo nî waro mûno. Kwoguo rûngamani mbere ya Ngai-Mûnene kûringana na ûrîa mîvîrîga yenyu îkariî, na wata ûrîa mbarî cienyu ciîkariî?”

1Sam 10:19 ပူးပေါင်းရင်းမြစ်များ

Nthi 16:33

Andû maikagia mîtî nîguo mamenye ûrîa gûgaatuîkîka, nwatî Ngai-Mûnene nîke ûtucaga ûrîa gûgaatuîkîka.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Ndari 11:20

nwatî nîmûirîa mweri mûgima. Nîmûirîa ciume na maniûrû, na mûtimbwe nîcio nîûndû nîmûreganîte na Ngai-Mûnene ûrîa ûrî vamwe namue. Mwîthîrîtwe mûgîteta mbere yake mûkiugaga wana nîkava mûtangîaumire Misiri.’ ”

Ndari 17:2

“Îra andû a Isiraeli makûve mîragi îkûmi na îîrî. Mûtongoria wa wonthe wa mûvîrîga nîakûve mûragi ûmwe, na wandîke rîîtwa rîake mûragirî ûcio wake.

Gûco 17:14

“Mwarîkia kwîgwatîra vûrûri ûrîa Ngai-Mûnene Ngai wenyu akûmûva na mûtûûre kuo, na mwîcirie kûgîa na mûthamaki ta mavûrûri marîa mamûthiûrûrûkîrîtie;

Josh 24:1

Joshua nîwacokire agîta andû a mîvîrîga yonthe ya Isiraeli. Nao nîmaagomanire vamwe Shekemu. Nîwetire athuuri, atongoria, atirîrîri vûrûri na anene a andû a Isiraeli mathiî vakuvî na îgema rîrîa rîamûre.

Atir 8:23

Nwatî Gideoni nîwacokirie atîrî, “Nie ndigûtuîka mwathi wenyu, wana mûvîcîwa ndagûtuîka mwathi wenyu. Ngai-Mûnene nîke ûgûtuîka mwathi wenyu.”

1Sam 10:20

Nake Samueli akiugaga mîvîrîga yonthe îthiî vakuvî na Ngai-Mûnene, nake Ngai-Mûnene akîthuura mûvîrîga wa Benjamini.

1Sam 12:12

Nwatî mue rîrîa mwonire mûthamaki wa Aamoni, ûrîa wîtagwa Nahashu aûkîte kûmûthûngîrîra, mue nîmwaregire Ngai-Mûnene, Ngai wenyu ûrîa warî mûthamaki wenyu na mûkîmbîîra atî, mue mûrenda mûthamaki wa kûmûtongoragia.

1Sam 14:23

Nao nîmaarûire mbaara îo na makîvîtûka Bethaveni. Nake Ngai-Mûnene nîwavonokirie andû a Isiraeli mûthenya ûcio.

1Sam 14:38

Kwoguo Saûlo nîwerire atongoria onthe a andû atîrî, “Ta ûkani ava twîthugunde nîguo tûmenye nî wîvia ûrîkû wîkîtwe ûmûnthî.

1Sam 3:21

Nake Ngai-Mûnene nîwathiîre na mbere kwîyonithania kûu Shilo. Kûu nîkuo Samueli aarî vîndî îrîa Ngai-Mûnene aamumîrîrîte na akîmwarîria. Nake Samueli nîwavecanire ndûmîrîri ya Ngai-Mûnene kûrî andû onthe a Isiraeli na makîmîamûkîra.

1Sam 4:1

Vîndî îo Aisiraeli nîmaaumagarire na makîthiî kûrûa na Afilisiti; Kwoguo Aisiraeli nîmaambire magema mao kûu Ebeneza, nao Afilisiti makîamba magema mao kûu Afeku.

1Sam 8:19

Nao andû nîmaaregire kûthikîrîria ûrîa Samueli aameeraga, na makiuga atîrî, “Naarî! Tue tûrenda mûthamaki,

1Sam 8:5

na makîmwîra atîrî, “Taroria, we ûrî mûkûrû nao anake aku matirûmagîrîra maûndû marîa wekaga. Rîu tûthuurîre mûthamaki wa gûtwathaga wata ûrîa ndûrîrî irîa ciîngî ciîthagîrwa irî na athamaki a cio.”