1Pet 5:6 - ÎVUKU RÎA ÛVORO MWARO

⁶ Îînyivagieni mûrî rungu rwa Ngai ûrîa ûmûgitagîra, nîguo akaamûnenevia rîrîa kavinda karîa kagîrîru gagaakinya.

1Pet 5:6 ပူးပေါင်းရင်းမြစ်များ

1Atha 21:29

“Nîwonete ûrîa Ahabu enyivîtie mbere yakwa? Nîûndû nîekîte ûguo, ndikaamûretere ûndû mûcûku ûtûûrorî wake; nwatî ngaarete ûndû mûcûku nyombarî yake vîndî ya ûtûûro wa mûvîcî.”

2Atha 22:19

mûthamaki wa Juda nîareririre na enyivia mbere ya Ngai-Mûnene, na atembûranga nguo ciake. Rîrîa aregwire ûrîa mbugîte nîngwîka kûndû gûkû vamwe na andû arîa matûûraga kuo, na atî vûrûri ûyû nîûtûûra ûrî mûrume na ûrî îganjo. Nie Ngai-Mûnene nîmbîguîte îvoya rîaku,

2Maû 12:12

Nîûndû wa Rehoboamu kwînyivia, Ngai-Mûnene ndaamûcûkangia viû na vûrûrirî wa Juda gûtiarî na thîna.

2Maû 30:11

Kûnarî ûguo, andû anini a kuuma Asheri, Manase na Zebuluni nîmeenyivirie na makîthiî Jerusalemu.

2Maû 32:26

Nwatî Hezekia na andû a Jerusalemu nîmaaverire magîtiga gwîtîîa, kwoguo Ngai-Mûnene ndaaverithia andû a Jerusalemu Hezekia arî mwoyo.

2Maû 33:12

Vîndî îrîa aarî mathînarî, nîwavoire Ngai-Mûnene, Ngai wake na akîînyivia mûno mbere ya Ngai wa methe make nîguo amûtethie.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

2Maû 33:23

Ndenyivia mbere ya Ngai-Mûnene ta ûrîa îthe Manase eekîte, nwatî nîwevirie mûno makîria ya îthe.

2Maû 36:12

Nîwekire maûndû macûku mbere ya Ngai-Mûnene, Ngai wake na ndaarî na wînyivia mbere ya mûrathi Jeremia ûrîa waragia ndûmîrîri kuuma kûrî Ngai-Mûnene.

Ayubu 36:22

Taririkana ûnene wa Ngai na vinya wake, nî mwarimû ûrîkû mûnene kûmûkîra?

Thaburi 75:10

Nîakaathiria andû arîa aganu vinya, nwatî nîakoongerera andû arîa athingu vinya.

Thaburi 89:13

We ûrî vinya, we ûrî vinya na nîûvootanîte.

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Ntha 3:19

Nîmbîcî atî mûthamaki wa Misiri ndageetîkîra mûthiî tiga nwa aringîrîrîtue gwîka guo.

Ntha 32:11

Nwatî Musa nîwathaithire Ngai-Mûnene, Ngai wake na akiuga atîrî, “Ngai-Mûnene, ûrarakara ûguo nîkî nî andû aku arîa warutire vûrûri wa Misiri na vinya na ûvoti mwîngî?

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 40:4

Cianda cionthe nîigeecûrua, na irîma cionthe na tûrîma tûvaraganue. Nakuo kûrîa gûtarî kûrûngarû kûrûngarue, na kûrîa gûtarî kwaraganu kwaraganue.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 44:10

Nginya ûmûnthî mûtianenyivia kana mwîndigîra wana mûrûmîrîra watho wakwa na maathani makwa marîa namûveere na ngîva methe menyu.”

Ezek 17:21

Athigari ake arîa njamba nîmakaaûragwa marî mbaararî. Nao arîa magaatigara marî mwoyo nîmakaanyaganîria mîenarî yonthe ya nthî, na nîmûkaamenya atî nie Ngai-Mûnene, nînie mbarîtie.”

Ezek 21:6

“Na we mûndû, caya; caya ûrî na kîeva na ûrîtwe nî mwîvoko magîkwonaga.

Danieli 5:22

Nwatî we Belishazaru, mûvîcî wa Nebukadinezarû nîûregete wînyivia wana ethîrwa nîwaicî maûndû mama monthe.

Alawi 26:41

Nînaareganire nao na ngîmavira îthamîriorî vûrûrirî wa nthû ciao. Mûthiiarî ethîrwa njiarwa cienyu nîikenyivia na ciîrire itige kwîvia,

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Mathaayo 23:12

Nake mûndû wa wonthe wînenevagia nîakaanyivua, na mûndû wa wonthe wînyivagia nîakaanenevua.

Luka 1:52

Nî agwîthîtie athamaki makauma itîîrî ciao cia ûthamaki, na akanenevia arîa menyivagia.

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Luka 18:14

Nie nîramwîra na ma atî, mwîtia ûcio wa mbeca cia gooti eenûkire gwake mûciî arî mwagîrîru methorî ma Ngai gûkîra Mûfarisai. Nîûndû mûndû wa wonthe wînenevagia nîakaanyivua nake ûrîa wonthe wînyivagia nîakaanenevua.”

Aroma 5:6

Nîûndû rîrîa tûtaarî na vinya na twarî evia, Kristû nîwakwire nîûndû wetû kavinda karîa Ngai oonire kagîrîrîte.

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

1Tim 2:6

Ke nîke wevecanire nîguo akûûre andû onthe kuuma meviarî. Ûndû ûcio nîwonanirie na ma kavinda karîa kaagîrîrîte atî Ngai nîwendaga andû onthe mavonoke,

Tito 1:3

Ngai mûvonokia wetû nîwatûmire ûvoro ûyû ûmenyeke kavinda karîa kagîrîrîte na nîguo nîîvokeretwe na ngavewa watho wa kûûvunjia.

Jakuvu 4:10

Îînyivieni mbere ya Mwathani, nake nîakûmûnenevia.

Jakuvu 4:7

Kwoguo athîkîrani Ngai. Reganani na Ngoma nake nîakûûra aume kûrî mue.

Jakuvu 5:10

Ariû na aarî a îthe wetû, taririkanani arathi arîa maaririe na rîîtwa rîa Mwathani. Moceni ta kîonereria gîa gûkirîrîria na kûmîrîria mathîna.