1Pet 5:12 - ÎVUKU RÎA ÛVORO MWARO

¹² Namwandîkîra maarûa îno nini ûguo ngîtethagîrîrua nî Silivano, ûrîa mbîcî nî mûkristiano wa tatue na nî mwîvokeku. Nîrenda kûmûmîrîria na nîmûrutîre ûira wakwa nîmwîre atî, ûyû nîguo wega wa ma wa Ngai. Îkaragani mwîkindîrîtie ndaarî yaguo.

1Pet 5:12 ပူးပေါင်းရင်းမြစ်များ

Johana 21:21

Rîrîa Petero oonire mûrutwa ûcio nîwaûririe Jesû atîrî, “Mwathani, î nake mûndû ûyû, ûvoro wake nî atîa?”

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 15:22

Kwoguo atûmwa, athuuri, na kanitha yonthe îrî vamwe, nîyatwire atî nîmakûthuura andû kuuma gatagatîrî kao nîguo mamatûme Antiokia marî na Paûlo na Baranaba. Nîmaathuurire andû aîrî arîa maatîîtwe mûno nî etîkia. Nao andû acio maarî Judasi ûrîa wetagwa Barasaba na Sailasi,

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Aroma 5:2

Nîûndû wa gwîtîkia, ke nîatûmîte tûgîe na wega wa Ngai ûrîa tûrî naguo rîu. Kwoguo nîtûkenaga nîûndû wa kîîrîgîrîro kîrîa tûrî nakîo gîa gûkagaa riiri wa Ngai.

1Akor 15:1

Rîu ariû na aarî a îthe wetû, nîrenda kûmûririkania Ûvoro Mwaro ûrîa naamûvunjîrie. Nîmwawamûkîre na nîmûwîtîkîtie mwîkindîrîtie.

2Akor 1:19

Nîûndû Jesû Kristû Mûriû wa Ngai, ûrîa twamûvunjîrie tûrî nie, Sailasi, na Timotheo, ndarî “Ii” na “naarî”. Kûrî Kristû kwîthagîrwa vîndî cionthe kûrî “Ii”,

2Akor 1:24

Tue tûtiramûringîrîria maûndû marîa mwagîrîrwe nî gwîtîkia; Nîtwîcî atî mûrî ekindîru wîtîkiorî wenyu, nwatî tûrutithanagia wîra namue nîguo mûkenage.

Aefeso 3:3

Ngai nîwanguûrîrie nthitho ya mûvango wake na akîmenyithia yo. (Nie nîndîkîtie kwandîka ûvoro ûyû na njîra nguvî,

Aefeso 6:21

Tukiko, mûrû wa îthe wetû ûrîa twendete mûno na mûtungatîri mwîvokeku wîrarî wa Mwathani, nîke ûkaamwîra maûndû monthe nîguo mûmenye ûrîa mbîkariî na ûrîa nîreka.

Akol 1:7

Mwathomire ûvoro wîgiî wega wa Ngai kuuma kûrî Epafara, ndungata îrîa twendete na tûrutithanagia wîra nayo. Ke ethagîrwa arî mwîvokeku rîrîa araruta wîra wa Kristû vandûrî vetû.

Akol 4:7

Tukiko nîke ûkaamûva ûvoro wonthe ûmbîgiî. Ke nî mûrû wa îthe wetû ûrîa twendete mûno. Ke nî mûtungatîri mwîvokeku na nîtûrutithanagia wîra wa Mwathani nake.

Akol 4:9

Nîmaûka marî na mûrû wa îthe wetû Onesimo, ûrîa twendete na twîvokete na umîte kûu kwenyu. Nîmakûmwîra maûndû monthe marîa marekîka gûkû.

1Ath 1:1

Nie Paûlo, Sailasi, na Timotheo, nîtwamwandîkîra mue kanitha wa Thesalonike. Andû aya nî a Ngai Îthe wetû na Mwathani Jesû Kristû. Mûrogîa na wega na thayû.

2Ath 1:1

Kuuma kûrî tue Paûlo, Sailasi na Timotheo. Kûrî andû a kanitha ûrîa ûrî Thesalonike. Andû aya nî a Ngai îthe wetû na Mwathani wetû Jesû Kristû.

Ahib 13:22

Ariû na aarî a îthe wetû, nîngûmûria mûthikîrîrie ndûmîrîri îno ya kûmwîkîra vinya. Maarûa îno namwandîkîra tî ndaca mûno.

1Pet 1:13

Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.

1Pet 4:10

Wa mûndû nîavetwe kîveo ngûrani nî Ngai nîguo ta mûramati mwaro wa iveo cia Ngai agîtûmagîre gûtungata andû arîa engî. Vûthagîrani waro iveo cia mwanya irîa ciumanîte na wega wa Ngai.

2Pet 1:12

Mue nîmwîcî maûndû mama na nîmwîkindîrîtie waro ûvororî wa ma ûrîa mwamûkîrîte. Nwatî nwa ngwîkara ngîmûririkanagia mo.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.

3Joh 1:12

Andû onthe maragia maûndû maro megiî Demetirio. Ûma guo mwene nîwaragia ûvoro mwaro ûmwîgiî. Wanatue nîtwaragia maûndû maro mamwîgiî na nîmwîcî atî maûndû marîa twaragia nîma ma.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.