1Pet 4:6 - ÎVUKU RÎA ÛVORO MWARO

⁶ Kîu nîkîo gîatûmire Ûvoro Mwaro ûvunjue kûrî arîa akuû. Wana ethîrwa nîmaatuîrîrwe marî mwoyo ta ûrîa atucagîra andû arîa engî, Ûvoro Mwaro nîwavunjirue kûrî o nîguo mîtûûrîrerî yao ya kîîroho mekarage ta Ngai.

1Pet 4:6 ပူးပေါင်းရင်းမြစ်များ

Mathaayo 24:9

“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

Agal 2:19

Ûvororî wîgiî watho, mbîkariî ta mûndû mûkuû; mbûragîtwe nî watho guo mwene nîguo ndûûre ngîtungatagîra Ngai. Nie mbîkariî ta mûndû ûkuîte vamwe na Kristû mûtharavarî wake.

Agal 5:25

Ethîrwa tûtûûraga na njîra ya Roho, nwanginya atûtongoragie wana ûtûûrorî wetû.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Pet 3:19

na arî na mwoyo ûcio wake wa kîîroho, nîwathiîre kûvunjîria maaroho marîa moovetwe.

Kûguû 14:18

Nake mûraika ûrîa warî mûnene îgûrû rîa mwaki, nîwaumire metharî ya kîgongoona. Ke nîwaugîrîrie na akîîra mûraika ûrîa warî na kaviû kaûgî ga gûketha atîrî, “Tema thavibu kuuma mûgûndarî wa mîthavibu ya nthî, nîûndû thavibu nî ndune!”