1Pet 4:5 - ÎVUKU RÎA ÛVORO MWARO

⁵ Nwatî nwa magaataarîria ûvoro ûyû kûrî Ngai ûrîa wîvarîrîtie gûcirithia arîa marî mwoyo na arîa akuû.

1Pet 4:5 ပူးပေါင်းရင်းမြစ်များ

Thaburi 1:6

Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.

Mûvunjia 12:14

Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Mathaayo 12:36

“Nie nîramwîra atî mûthenya wa îtuîro andû onthe nîmakaavecana gîtûmi gîa ciugo cionthe itarî vata irîa manaaria.

Luka 16:2

Kwoguo nîkîamwîtire na gîkîmûûria atîrî, ‘Ûvoro ûcio nîregua ûkwîgiî, nî ûrîkû? Mandîkîra mûtaratara mwaro wa kûmonia wîra ûrîa ûrutîte ta mûmenyereri wa indo ciakwa, nîûndû we ndûgûcoka kûmenyerera indo ciakwa rîngî.’

Ciîko 10:42

Ke nîwatwathire tûvunjîrie andû na tûrute ûira tûmere atî ke nîke wathuurirwe nî Ngai atuîre andû onthe arîa marî mwoyo na arîa akuû.

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Aroma 14:9

Nîûndû Kristû aakwire na agîcoka akîriûka nîguo atuîke Mwathani wa arîa akuû na arîa marî mwoyo.

2Tim 4:1

Nîrakûthaitha nîrî mbere ya Ngai na ya Jesû Kristû ûrîa ûgaatuîra andû arîa marî mwoyo na arîa akuû, na nîûndû nî araûka kwathana arî mûthamaki atî:

Jakuvu 5:9

Ariû na aarî a îthe wetû, tigagani gwîkara mûgîtetanagia nîguo mûtigatuîrwe. Taroriani mûtucanîri arûngamîte mûrangorî.