1Pet 4:19 - ÎVUKU RÎA ÛVORO MWARO

¹⁹ Kwoguo andû arîa mathînagua kûringana na wendi wa Ngai, nîmagîrîrwe nîkwîthîrwa meigîte viû njararî cia Mûmbi wao na njîra ya gwîka maûndû maro. Nîûndû vîndî cionthe ethagîrwa arî mwîvokeku.

1Pet 4:19 ပူးပေါင်းရင်းမြစ်များ

Thaburi 37:5

Nengera Ngai-Mûnene ûtûûro waku, mwîvoke na nîagûgûtethia.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

1Pet 3:17

Nîûndû nî kava kûthînîka nîûndû wa gwîka waro ethîrwa ûcio nîguo wendi wa Ngai, gûkîra kûthînîka nîûndû wa gwîka naaî.

Thaburi 138:8

Ngai-Mûnene nîakaamvingîria maûndû marîa ambîrîîre. Wendo waku ûtathiraga we Ngai-Mûnene, ûtûûraga tene na tene. Ndûgatiganîrie wîra wa njara ciaku.

1Pet 2:15

Nîûndû wendi wa Ngai nî atî, na njîra ya maûndû maro marîa mwîkaga mûkaavotaga gûtûma andû arîa aritu matigane na mîario yao ya ûrimû.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Thaburi 31:5

Nînakûnengera mwoyo wakwa, nîûmvonoketie, we Ngai-Mûnene; we wî Ngai mwîvokeku.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Ciîko 7:59

Na rîrîa maarivaga Stefano na mathiga, Stefano nîwavoire akiuga atîrî, “Mwathani Jesû amûkîra roho wakwa!”

Luka 23:46

Jesû nîwaugîrîrie na mûgambo mûnene atîrî, “Vava, nînakûnengera mwoyo wakwa.” Na arîkia kuga ûguo agîtuîkana.

Isaia 43:21

Acio nî andû arîa naûmbire marî akwa nie mwene, nîguo managîrîre ngumo yakwa!

Isaia 43:7

Andû onthe arîa metanagua nanie, arîa naûmbire nîûndû wa riiri wakwa, arîa naûmbire na ngîtûma magîe kuo.”

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

1Pet 3:20

Maaroho mau nî ma andû arîa maaregire kwathîkîra Ngai vîndî îrîa eetererete akirîrîrîtie Nuhu atume thavina. Nî andû anana tu arîa maarî thavinarî maavonokirue na njîra ya manjî.