1Pet 4:14 - ÎVUKU RÎA ÛVORO MWARO

¹⁴ Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

1Pet 4:14 ပူးပေါင်းရင်းမြစ်များ

1Atha 10:8

Gûkena-rî nî aka aku! Wana kûgîa na mûnyaka nî ndungata ciaku, irîa mwîkaraga nacio vîndî cionthe ikîthikagîrîria ciugo ciaku cia ûûgî.

2Atha 2:15

Rîrîa gîkundi Kîam arathi mîrongo îtano arîa maarî Jeriko maamwonire, nîmaaugire atîrî, “Elisha arî na roho wa Elija!” Nîmaathiîre kûmûtûnga na makînamîrîria mothiû mao nthî mbere ya Elisha,

Thaburi 146:5

Gûkena nî mûndû ûrîa ûtethagua nî Ngai wa Jakovu, ûrîa mwîrîgîrîro wake ûrî kûrî Ngai-Mûnene Ngai wake,

Thaburi 49:9

kûmûvotithia athiî na mbere na gûtûûra mwoyo, na ndagakue.

Thaburi 89:51

We Ngai-Mûnene, nthû ciaku irumaga mûthamaki ûrîa ûthuurîte, imûrumagîra wa kûrîa kuonthe avîtûkagîrîra.

Isaia 11:2

Nîagecûrwa nî Roho wa Ngai-Mûnene, roho wa ûûgî na ûtaûku; roho wa ûtaarani na vinya, roho wa ûmenyo na gwîtigîra Ngai-Mûnene.

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Mathaayo 5:11

“Kûrathimwa nî mue vîndî îrîa andû mamûruma, mamûnyarira, na mamwigîrîra ing'enyo cia mîthemba na mîthemba nîûndû mûrî arûmîrîri akwa.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Luka 6:22

Kûrathimwa nîmue vîndî îrîa andû mamûmena, mamûrega, mamûruma, na mamûcambia nîûndû wa Mûrû wa Mûndû.

Johana 15:21

Nwatî nîmakaamwîka maûndû mama monthe nîûndû wakwa na nîûndû matiîcî ûrîa wandûmire.

Johana 8:48

Nao Ayahudi nîmaaûririe Jesû atîrî, “Na kinthî tue tûtiraria ûma tûkiuga atî we ûrî Mûsamaria na ûrî na ngoma?”

Johana 9:28

Nao nîmaamûrumire na makîmwîra atîrî, “We nîwe mûrutwa wake, nwatî tue tûrî arutwa a Musa.

Johana 9:34

Nao nîmaamûcokerie atîrî, “Ûngîvota atîa gûtûthomithia na we ûrî mwîvia kuuma rîrîa waciarirwe?” Nao nîmaamwîngatire kuuma kûu îvoerorî.

Ciîko 13:45

Na rîrîa Ayahudi moonire kîrîndî, nîmecûrirwe nî wîru, magîkararia maûndû marîa Paûlo aaragia, na makîmûruma.

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 28:22

Nwatî nîtûrenda kûmenya meciria maku, nîûndû nîtwîcî atî kûndû kuonthe andû nîmaramenereria gîkundi kîu Kîam ndini kîrîa we ûrî wakîo.”

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

2Akor 12:10

Nie nîmbîganîtwe nî gûtura vinya, kwonerwa, mathîna, kûnyarirwa na kûnyamarua nîûndû wa Kristû. Nîûndû rîrîa ngwîgua ndarî na vinya, nîrîo mbîthagîrwa nîrî na vinya makîria.

2Akor 4:10

Vîndî cionthe tûkuuaga gîkuû Kîam Jesû mîîrîrî yetû nîguo ûtûûro wake wa naguo wonekane mîîrîrî yetû.

2Akor 4:16

Nîûndû wa gîtûmi gîkî tûtikucaga ngoro. Wana ethîrwa mwîrî ûyû wonekaga nî ûthiîcaga wa ûkîoraga, ûtûûro wetû wa kîîroho nî ûcerûvagua wa mûthenya wa mûthenya.

Agal 1:24

Kwoguo nîmaakumirie Ngai nîûndû wakwa.

Ahib 11:26

Ke nîwamenyire atî kûmenererua nîûndû wa Mesaya kwarî na vata mûno gûkîra mîthithû yonthe ya Misiri nîûndû eekaraga akîriragîria kîveo kîrîa gîkaavecanwa.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Pet 3:14

Nwatî wana mûngîthînîka nîûndû wa gwîka ûrîa kwagîrîrîte, mûrî arathime. Mûtigetigîre mûndû kana mûtangîke.

1Pet 3:16

Nwatî îkagani ûguo mûrî na ûvoreri na gîtîîo. Îthagîrwani mûrî na thamiri ntheru, nîguo andû arîa maragia ûndû mûcûku ûmwîgiî nîûndû nîmûrûmagîrîra Kristû, maconokage.

1Pet 4:16

Nwatî ethîrwa mûrathînua nîûndû nîmûrûmagîrîra Kristû, mûtikegucage mûgîconoka nîûndû wa ûguo. Cokagiani ngatho kûrî Ngai nîûndû mûrî akristiano.

2Pet 2:2

Nao andû eengî nîmakûrûmîrîra mîtugo yao ya waganu na nîûndû wa maûndû marîa mekaga, andû engî nîmagaacambia njîra ya ûma.