1Pet 4:12 - ÎVUKU RÎA ÛVORO MWARO

¹² Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.

1Pet 4:12 ပူးပေါင်းရင်းမြစ်များ

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Isaia 28:21

Ngai-Mûnene nîakaarûngama ta ûrîa aarûngamire arî Kîrîmarî gîa Perazimu, na arakare ta ûrîa aarakarire arî Kîamndarî gîa Gibeoni; nîageka ûndû ûtecîkene, nîakaaruta wîra wake wa kûgegania.

Danieli 11:35

Atongoria amwe arîa aûgî nî makaaûragwa. Vuva wa ûguo andû acio engî nî makaatherua macerûve ta îra. Ûndû ûcio nîûkaathiî na mbere nginya mavinda ma mûthiia marîa Ngai avarîrîtie.

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

1Akor 3:13

Na wîra wa mûndû wa mûndû nîûkoonekana vîndî îrîa ûkaaguûrua mûthenya wa Kristû. Wîra wa mûndû nîûkaamenyekana nîûndû nîûkaagerua na mwaki nîguo kûmenyekane waro ûrîa wîra ûcio wîkariî.

2Tim 3:12

Mûndû wa wonthe wendaga gûtûûra arî mûrûmîrîri wa Jesû Kristû nwa nginya anyamarue.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

1Pet 4:4

Andû arîa matetîkîtie Ngai nîmamakîte nîûndû mûtiranyitanîra nao mûtûûrîrerî ûcio wa waganu na wa wanangi. Kwoguo nîmaramûcambia.

1Pet 5:9

Îthagîrwani mwîkindîrîtie wîtîkiorî wenyu na mûreganage nake, nîûndû nîmwîcî atî etîkia a nthî yonthe arîa twîtîkîtie ûndû ûmwe nao, nîmarathînua wa tamue.