1Pet 4:10 - ÎVUKU RÎA ÛVORO MWARO

¹⁰ Wa mûndû nîavetwe kîveo ngûrani nî Ngai nîguo ta mûramati mwaro wa iveo cia Ngai agîtûmagîre gûtungata andû arîa engî. Vûthagîrani waro iveo cia mwanya irîa ciumanîte na wega wa Ngai.

1Pet 4:10 ပူးပေါင်းရင်းမြစ်များ

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 24:14

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mathaayo 24:21

Nîûndû vîndî îo nîgûkeethîrwa na thîna mûnene ûkîrîte ûrîa wonthe wanagîa kuo kuuma rîrîa Ngai aaûmbire nthî nginyagia rîu, na gûtirî vîndî gûkooneka ta guo rîngî.

Mathaayo 24:45

“Ndungata îrîa îîvokekete na mbûgî nî îrîkû? Nî îrîa îragwa nî Mwathi wayo îmenyagîrîre ndungata irîa ciîngî na îivecage irio mathaa marîa magîrîru.

Mathaayo 25:17

Îrîa yaverwe mbeca ngiri igîrî wanayo nîyacionjorithirie na îkîona mbeca ciîngî ngiri igîrî.

Mathaayo 25:44

“Nao nîmakaamûcokeria atîrî, ‘Nî vîndî îrîkû Mwathani twakwonire ûrî mûvûtu, kana ûrî mûnyondu kana ûrî njaga kana ûrî mûrwaru kana ûrî njeera, na tûkîrega gûgûtungatîra?’

Maariko 10:45

Nîûndû Mûrû wa Mûndû wa nake ndaaûka gûtungatîrwa, nwatî aaûkire gûtungata na kûvecana mwoyo wake ûtuîke wa gûkûûra andû engî kuuma meviarî.”

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Luka 19:13

Mbere ya athiî mûndû ûcio nîwetire ndungata ciake îkûmi na akîva wa îmwe yacio mbeca ya thaavu na agîciîra atîrî, ‘Onjorithiani mbeca ino nginya rîrîa ngaacoka.’

Luka 8:3

na Joana mûka wa Kuza, mûthuuri ûrîa wamenyagîrîra indo cia Herode, na Susana wa vamwe na aka eengî arîa maatûmagîra indo ciao magîtethereria Jesû na arutwa ake.

Aroma 15:25

Rîu nthiîte Jerusalemu kûvirîra andû a Ngai ûtethio.

Aroma 15:27

O ene nîmaakenere gwîka ûguo na nî ma nîmaagîrîrwe nî kûmatethia. Nîûndû ethîrwa Ayahudi nîmagaanîte kîrathimo Kîamo gîa kîîroho na andû a Ndûrîrî, andû a Ndûrîrî wanao nîmagîrîrwe nî kûruta indo ciao nîguo matethie Ayahudi.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 3:10

Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.

1Akor 4:7

Nû wagûtuire mûnene gûkîra arîa engî? Nîndûî ûrî nakîo ûtaavewa? Na ethîrwa nîkwa waveerwe, wîtîîaga nîkî takwa atarî kûvewa waveerwe?

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

2Akor 9:1

Gûtirî na vata wa kûmwandîkîra ûndûrî wîgiî ûtethio ûrîa ûratûmîrwa andû a Ngai arîa marî Judea.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

2Tim 1:18

Nie nîravoya Mwathani akeeguîra Onesiforo ntha mûthenya wa Mûthiia. Nîûndû we wanawe nîwîcî waro ûrîa aandethirie vîndî îrîa naarî Efeso.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Pet 5:12

Namwandîkîra maarûa îno nini ûguo ngîtethagîrîrua nî Silivano, ûrîa mbîcî nî mûkristiano wa tatue na nî mwîvokeku. Nîrenda kûmûmîrîria na nîmûrutîre ûira wakwa nîmwîre atî, ûyû nîguo wega wa ma wa Ngai. Îkaragani mwîkindîrîtie ndaarî yaguo.