1Pet 3:8 - ÎVUKU RÎA ÛVORO MWARO

⁸ Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

1Pet 3:8 ပူးပေါင်းရင်းမြစ်များ

Thaburi 103:13

Taûrîa ciana ciîgucagîrwa ntha nî îthe, nwaguo Ngai-Mûnene egucagîra arîa mamwîtigîrîte ntha.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Zakaria 7:9

“Tucanagîrani ciira wa kîvooto, îgucanagîrani ntha, na mûtuganage mûndû na mûndû ûrîa wîngî.

Mathaayo 18:33

We wanawe nîûragîrîrwe nî kwîguîra ndungata îo mûrutaga wîra nayo ntha, wata ûrîa nie nîrakwîguîrîre ntha.’

Luka 10:33

Nwatî Mûsamaria ûmwe ûrîa warî rûgendorî nîwakinyire varîa mûndû ûcio aarî, na amwona akîringwa nî ntha.

Ciîko 2:1

Na rîrîa mûthenya wa Pentekosto wakinyire, arîa onthe metîkîtie Jesû maagomanîte vamwe Jerusalemu.

Ciîko 27:3

Na mûthenya ûcio wîngî nîtwakinyire Sidoni. Na tûrî kûu Juliasi nîwatugire Paûlo waro mûno na a akîmwîtîkîria athiî kûrî arata ake nîguo avewe kîrîa aavatarîte.

Ciîko 28:7

Navo vandû varî vakuvî mûno na varîa twarî vaarî na mîgûnda ya mûnene ûmwe wa gîcîgîrîra kîu wetagwa Pubulio. Ke nîwatûnyitire ûgeni na agîtûtuga arî na ûtaana mwîngî mûno kwa îvinda rîa mîthenya îthatû.

Ciîko 4:32

Etîkia onthe maarî na ngwatanîro ya ngoro na meciria. Gûtirî mûndû wana ûmwe gatagatîrî kao waugaga atî arî na kîndû gîake arî wenga. Maatûmagîra indo ciao cionthe marî vamwe.

Aroma 12:10

Endanagani mûndû na ûrîa wîngî ta andû a ng'ina ûmwe. Vecanagani gîtîîo mûndû na ûrîa wîngî.

Aroma 15:5

Ngai ûrîa arî ke kiumo Kîam thayû na ûmîrîru aromûvotithia kwîgucana mûndû na ûrîa wîngî, wata ûrîa Kristû aatwonererie,

1Akor 1:10

Ariû na aarî a îthe wetû, na rîîtwa rîa Mwathani wetû Jesû Kristû nîramûthaitha muonthe mwîtîkanagie nîguo gûtikagîcage na nyamûkano gatagatîrî kenyu. Îthagîrwani mûgwatanîrîte viû na mûrî na rîciria na îtua rîmwe.

1Akor 12:26

Kîîga kîmwe Kîam mwîrî gîkathînîka, ciîga icio ciîngî cionthe nîithînîkaga vamwe nakîo. Nakîo kîîga kîmwe Kîam mwîrî gîkavewa gîtîîo ciîga icio ciîngî cionthe nîikenaga vamwe nakîo.

Aefeso 4:2

Mavinda monthe îthagîrwani mwînyivîtie, mûvorerete na mûkirîrîrîtie. Onanagiani wendani wenyu na njîra ya gûkiranîrîria mûndû na ûrîa wîngî.

Aefeso 4:31

Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.

Aefeso 4:32

Vandû va ûguo, tuganagani, îgucanagîrani ntha na mwovanagîre wata ûrîa Ngai aamwoveere na njîra ya Kristû.

Afil 2:3

Îkagani maûndû mûtakwîyenda na mûtagwîtîîa. Nwatî na njîra ya wînyivia, vingo cionthe wa mûndû nîatucage ûrîa wîngî mwaro kûmûkîra.

Afil 3:16

Kûnekariî ûguo, tigani tûthiî na mîthiîre îringanîte na mûtûûrîre ûrîa tûrî naguo.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

Ahib 13:1

Endanagani mûndû na ûrîa wîngî ta ariû na aarî a îthe wetû.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 2:17

Tîîagani andû onthe, endagani aarî na ariû a îthe wetû, îîtigagîreni Ngai na mûvecage mûthamaki wa Roma gîtîîo.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

2Pet 1:7

Ûngairî wenyu mwongagîrîre ûtaana kûrî aarî na ariû a îthe wetû, ûtaanarî wenyu kûrî aarî na ariû a îthe wetû mwongagîrîre wendani.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.