1Pet 3:5 - ÎVUKU RÎA ÛVORO MWARO

⁵ Nîûndû aka arîa atheru a tene na maaigaga mwîrîgîrîro wao kûrî Ngai meetucaga athaka na njîra ya kwathîkîra athuuri ao.

1Pet 3:5 ပူးပေါင်းရင်းမြစ်များ

Nthi 31:10

Mûndûmûka mwaro angiuma kû, arî goro gûkîra mathaga.

Nthi 31:30

Ûgemu nîûveenanagia, na ûthaka nîûthiraga, nwatî mûndûmûka wîtigîrîte Ngai-Mûnene nîakumagua.

Jeremia 49:11

Ndigîrani ciana cienyu cia ngoriai na ngaimenyagîrîra; tigani aka enyu a ndigwa maige mwîvoko wao kûrî nie.”

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Ciîko 1:14

Nao nîmaatûnganaga mavinda meengî kûvoya Ngai marî vamwe, na marî na aka wana Mariamu ûrîa ng'ina wa Jesû na aa mûrwang'ina na Jesû.

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

1Tim 2:10

Nwatî nîmekage ciîko mbaro irîa ciagîrîrwe nî gwîkwa nî aka arîa maugaga nîmagoocaga Ngai.

1Tim 2:15

Nwatî Ngai nîakaavonokia aka na njîra ya gûciara ethîrwa nîmakûthiî na mbere gwîtîkia, kwendana, gûtuîka atheru, na kwîthîrwa marî na mîtugo yagîrîrîte.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

1Tim 5:5

Mûndûmûka wa ndigwa ûrîa ûtarî na mûndû wa kûmûtethia na wîkaraga wenga, aigaga kîîrîgîrîro gîake kûrî Ngai. Avoyaga ûtukû na mûthenya nîguo Ngai amûtethie.

Ahib 11:11

Nîûndû wa wîtîkio Sara nîwagîre na mwana wana ethîrwa aarî nthata nake Iburahimu aarî mûkûrû. Iburahimu nîwetîkîtie atî Ngai nîmwîvokeku na nîakaavingia ûrîa aamwîrîîre.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!