1Pet 3:2 - ÎVUKU RÎA ÛVORO MWARO

² nîûndû makaagucagîrîrua nî mîtugo yenyu mîtheru na mîtîîku.

1Pet 3:2 ပူးပေါင်းရင်းမြစ်များ

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

Aefeso 6:5

Mue ngombo, athîkagîrani athani enyu mûrî na guoya na mûkinainaga. Îkagani ûguo mûrî na ngoro îmwe takwa mûrathîkîra Kristû.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Afil 3:20

Nwatî mûciî wetû ûrî îgûrû na nîkuo twetagîrîra mûvonokia wetû aume, na nîke Mwathani wetû Jesû Kristû.

Akol 3:22

Mue ngombo, athîkagîrani athani enyu a gûkû nthî maûndûrî monthe. Tigagani kûmathîkagîra wa rîrîa mamûroretie atî nîguo mamwende, nwatî mathîkagîreni mûrî na ngoro ntheru nîûndû nîmûtîîte Mwathani.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

1Pet 1:15

Vandû va ûguo, tuîkani andû atheru maûndûrî monthe marîa mwîkaga wata ûrîa Ngai ûrîa wamwîtire ethagîrwa arî mûtheru.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Pet 3:1

Na njîra wata îo, wa namue aka athîkagîrani athuuri enyu, nîguo kûngîthîrwa kûrî na athuuri amwe matetîkîtie kiugo Kîam Ngai, magetîkagia mona mîtugo yenyu. Mûtikethagîrwa mûrî na vata wa kûmeera wa naarî atîa,

1Pet 3:3

Kwîgemia kwenyu na njîra ta ya mîvîndîre ya njuîrî, gwîkîra mathaga ma thaavu na gwîkîra nguo cia goro tîkuo kûmûtucaga athaka.

2Pet 3:11

Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,