1Pet 3:14 - ÎVUKU RÎA ÛVORO MWARO

¹⁴ Nwatî wana mûngîthînîka nîûndû wa gwîka ûrîa kwagîrîrîte, mûrî arathime. Mûtigetigîre mûndû kana mûtangîke.

1Pet 3:14 ပူးပေါင်းရင်းမြစ်များ

Nthi 3:25

Ndûgetigîre ûndû wa kûmakania ûrîa ûngîûka wa rîmwe, kana ivuvûkanio irîa ingîtharîkîra andû arîa aganu na vinya.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Jeremia 1:8

Ndûkametigîre nîûndû ngethagîrwa nîrî vamwe nawe nîguo ngûgitagîre, ûguo nîguo Ngai-Mûnene augîte.”

Jeremia 15:15

We Ngai-Mûnene nî ûmbicî ndirikana na ûnjerere, ndirikana na ûke ûndethie, ûndîvîrîrie kuumana na arîa manyariraga, nîûndû wa ûrîa ûkiragîrîria ndûgatûme mbûragwe, ririkana atî nie numagwa nî ûndû waku.

Ezek 3:9

Nîngatûma ûthiû waku ûme ta îthiga rîrîa rîûmû mûno. Ndûgetigîre kana ûmakue nîo nîûndû nî andû aremi.”

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 10:31

Kwoguo tigani gwîtigîra; mue mûrî na vata mûno gûkîra tûconi twîngî!

Mathaayo 10:39

Mûndû ûrîa ûgeragia kûvonokia mwoyo wake nîagaaûta, nwatî mûndû ûrîa ûtecaga mwoyo wake nîûndû wakwa, nîakaaûvonokia.

Mathaayo 16:25

Nîûndû mûndû ûrîa wendaga kûvonokia mwoyo wake nîakaaûrwa nîguo. Nwatî mûndû ûrîa ûragwa nî mwoyo wake nîûndû wakwa nîakaawona.

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Maariko 10:29

Nake Jesû nîwamerire atîrî, “Nîramwîra na ma atî mûndû wa wonthe ûtigîte nyomba yake, na aa mûrwang'ina, aa mwarwang'ina, îthe kana ng'ina, kana ciana, wana kana mîgûnda, nîûndû wakwa na nîûndû wa ûvoro mwaro,

Maariko 8:35

Nîûndû mûndû wa wonthe wendaga kûvonokia mwoyo wake nîakaaûrwa nîguo, nwatî mûndû wa wonthe ûragwa nî mwoyo wake nîûndû wakwa, na nîûndû wa ndûmîrîri yakwa, nîakaaûvonokia.

Johana 14:1

Jesû nîwamerire atîrî, “Tigani gûtangîka ngororî cienyu. Îtîkiani Ngai na wa nanie mûmbîtîkie.

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

Ciîko 9:16

Na nie mwene nîngûmwonia ûrîa ke akathînua nîûndû wakwa.”

2Akor 12:10

Nie nîmbîganîtwe nî gûtura vinya, kwonerwa, mathîna, kûnyarirwa na kûnyamarua nîûndû wa Kristû. Nîûndû rîrîa ngwîgua ndarî na vinya, nîrîo mbîthagîrwa nîrî na vinya makîria.

Afil 1:29

Mue nîmûvetwe kamweke ga gûtungatîra Kristû, tî na njîra ya kûmwîtîkia nwatî nî wana ya kûthînua nîûndû wake.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.

1Pet 3:6

Sara eekariî wata ûguo, nîwathîkagîra Iburahimu na nîwamwîtaga mwathi wake. Mue rîu mûrî ciana ciake ethîrwa vîndî cionthe mûgeekaga waro mûtagwîtigîra ûndû wana ûrîkû.