1Pet 3:11 - ÎVUKU RÎA ÛVORO MWARO

¹¹ Nwanginya atige gwîkaga naaî na ekage maûndû maro; nwanginya acaragie thayû na ngoro yake yonthe.

1Pet 3:11 ပူးပေါင်းရင်းမြစ်များ

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Ayubu 2:3

Ngai-Mûnene nîwaûririe Caitani atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mwîvoke ta Ayubu. Nîanîtigîrîte na nîethemaga maûndû macûku. We nîwaningîrîrie ngwîtîkîrie ûmûtharîkîre gûtarî na ûndû mûcûku ekîte, nwatî Ayubu atûûrîte arî mwîvokeku.”

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Thaburi 125:4

We Ngai-Mûnene, îka andû arîa aro maûndû maro, arîa matarî ûcuke ngororî ciao.

Thaburi 34:14

Ûragîra maûndû marîa macûku na wîkage maûndû marîa maro; caragia thayû na ngoro yonthe.

Thaburi 37:27

Ûragîra maûndû macûku na wîkage maûndû marîa maro, nawe nîûgûtûûra vûrûrirî ûyû tene na tene;

Nthi 16:17

Andû arîa marî mîthiîre mîrûngîrîru nîmaûragîra maûndû marîa macûku; mûndû ûrîa ûmenyagîrîra mîthiîre yake nîagitagîra mwoyo wake.

Nthi 16:6

Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.

Nthi 3:7

Ndûkeyone we mwene ûrî mûûgî; îîtigîre Ngai-Mûnene, na ûtigane na maûndû macûku.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Mathaayo 5:9

Kûrathimwa nî arîa matethagîrîria arîa engî gwîkara na thayû, nîûndû nîmagetagwa ciana cia Ngai!

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Maariko 14:7

Andû arîa athîni mûkethagîrwa nao vîndî cionthe na wa rîrîa rîonthe mûngîenda kûmatethia nwa mûmatethie. Nwatî mûtikethagîrwa nanie vîndî cionthe.

Luka 1:79

Nîakaatherera arîa mekarîte ndumarî na ûgwatirî wa gîkuû, na atwerekerie njîrarî ya thayû.”

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Luka 6:9

Nake Jesû nîwamerire atîrî, “Nie nîrenda kûmûria watho wetû ûtwîtîkîrîtie twîkage atîa mûthenya wa thavatû? Ûtwîtîkîrîtie tûtethanagie kana tûnûvanage! Kûvonokia mwoyo wa mûndû kana gûûcûkangia?”

Johana 17:15

Nie tîkwa nîrakûria ûmarute gûkû nthî, nwatî nîrakûria ûmamenyerere kuumana na Ûrîa Mûcûku.

Aroma 12:18

Geragiani mûno wa ûrîa mûngîvota gûtûûrania na andû onthe mûrî na thayû.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Aroma 14:19

Kwoguo nîtûcaragie maûndû marîa maretaga thayû na marîa mangîtûtethia kwonganagîrîra vinya.

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

Aroma 7:19

Ndiîkaga maûndû marîa maro mendaga gwîka, îthenya rîa ûguo mbîkaga maûndû marîa macûku marîa nie ndendaga gwîka.

Aroma 7:21

Kwoguo monaga watho ûyû ûkîruta wîra nîûndû rîrîa ngwenda gwîka waro, ûndû ûrîa nthuuraga gwîka nî ûrîa mûcûku.

Aroma 8:6

Kwathwa nî mwîrî kûretaga gîkuû, nwatî kwathwa nî Roho kûretaga mwoyo na thayû.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Akol 3:15

Tigani thayû ûrîa Kristû avecanaga ûmûtongoragie mûkîthondeka matua menyu, nîûndû thayû ûcio nîguo watûmire Ngai amwîte vamwe nîguo mûtuîke mwîrî ûmwe na mûcokagie ngatho vîndî cionthe.

1Tim 6:18

Atha itonga ituîke andû aro na ituîke itonga cia mawîra marîa maro. Maathe matuîke andû ataana na andû a kûgaana indo ciao na andû arîa engî.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

Ahib 13:16

Mûtikariganîrwe nî gwîka waro na gûtethania mûndû na ûrîa wîngî, nîûndû mama nîmo magongoona marîa makenagia Ngai.

Jakuvu 4:17

Mûndû wa wonthe wîcî ûndû mwaro ûrîa agîrîrwe nî gwîka, nwatî ndawîkaga, nî evagia.

1Pet 3:12

Nîûndû Mwathani nîaroragia andû arîa athingu, na akathikîrîria mavoya mao; nwatî nîareganaga na eki naaî.”

3Joh 1:11

Mûrata wakwa, ndûkarûmîrîre maûndû marîa macûku, nwatî rûmagîrîra maûndû marîa maro. Mûndû wa wonthe wîkaga waro nî wa Ngai, nake mûndû wa wonthe wîkaga maûndû macûku ndaanona Ngai.

Atir 11:14

Jefitha nîwatûmire anjaama rîngî kûrî mûthamaki wa Aamoni