1Pet 3:1 - ÎVUKU RÎA ÛVORO MWARO

¹ Na njîra wata îo, wa namue aka athîkagîrani athuuri enyu, nîguo kûngîthîrwa kûrî na athuuri amwe matetîkîtie kiugo Kîam Ngai, magetîkagia mona mîtugo yenyu. Mûtikethagîrwa mûrî na vata wa kûmeera wa naarî atîa,

1Pet 3:1 ပူးပေါင်းရင်းမြစ်များ

Kîam 3:16

Ngai-Mûnene, Ngai nîwacokire akîra mûndûmûka atîrî, “Nîngaakwongerera mathîna vîndî îrîa yonthe ûkethagîrwa ûrî îvu, na ngwongagîrîre ûrûrû vîndî ya gûciara. Wana kûnekariî ûguo, we ûkeriragîria mûthuuriguo, nake agaakwathaga.”

Nthi 11:30

Maciaro ma mûndû mûthingu nî mûtî wa ûtûûro, nwatî waganu nîûcûkangagia ûtûûro.

Nthi 18:19

Rîrîa watethia mûrwanyûkwe wîkaraga ta îtûûra rîrî na vinya, nwatî ngarari itigithanagia andû ta ivingo cia vandû varîa vagitîre.

Mathaayo 18:15

“Ethîrwa Mûrwanyûkwe nwa akûvîtîrie, thiî ûmwîre mavîtia make mûrî aîrî tu. Ke angîkûthikîrîria, nîmwacokanîrîra.

Aroma 10:16

Nwatî tî andû onthe maamûkîre ûvoro mwaro. Nîûndû Isaia nî waûririe atîrî, “Mwathani, nû wetîkirie ndûmîrîri yetû?”

Aroma 6:17

Nwatî nwanginya tûcokie ngatho kûrî Ngai nîûndû vîndî îmwe mwarî ngombo cia mevia, nwatî nîmwacokire kwathîkîra ûvoro wa ma ûrîa wonekaga maûndûrî marîa mwathomithirue.

Aroma 7:2

Mûndûmûka mûviku ethagîrwa ovanîtue nî watho kûrî mûthuuri rîrîa rîonthe mûthuuri wake arî mwoyo. Nwatî mûthuuri wake angîkua, mûndûmûka ûcio ndethagîrwa arî mwove nî watho ûcio.

1Akor 11:3

Nwatî nîrenda mûtaûkîrwe atî Kristû nî kîongo Kîam mûndûmûrûme wa wonthe, na mûndûmûrûme nî kîongo Kîam mûka, nake Ngai nî kîongo gîa Kristû.

1Akor 14:34

aka marî kanitharî magîrîrwe nî gûkira. Matiîtîkîrîtue kwaria, nwatî nîmagîrîrwe nî kwathîka wata ûrîa watho wa Ayahudi ugîte.

1Akor 7:16

Mûndûmûka ûyû, wîcî atîa kana tîwe ûkaavonokia mûthuuriguo? Nawe mûthuuri ûyû, wîcî atîa kana tîwe ûkaavonokia mûkaguo?

Aefeso 5:33

Nwatî ciugo ino nwa iraria ûvoro ûmwîgiî atî: mûthuuri wa wonthe nwanginya endage mûka wata ûrîa eyendete, na mûndûmûka wa wonthe nwanginya atîîage mûthuuri wake.

Akol 3:18

Mue aka, athîkagîrani athuuri enyu nîûndû ûguo nîguo mûkristiano agîrîrwe nî gwîka.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 11:8

Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 3:2

nîûndû makaagucagîrîrua nî mîtugo yenyu mîtheru na mîtîîku.

1Pet 3:7

Na njîra wata îo, wa namue athuuri îkaranagiani na aka enyu mûkîroragia wagîrîru wao nîûndû matirî vinya ta arûme. Monagieni gîtîîo nîûndû wa nao nîmakaagaîrwa kîveo Kîam mwoyo nî Ngai wa vamwe namue. Îkagani ûguo nîguo vatikagîe na kîndû kîngîvîngîca mavoya menyu.

1Pet 4:17

Îvinda nîrîkinyu rîa kwambîrîria îtuîro na andû a Ngai nîo makwambîrîria gûtuîrwa. Ethîrwa nîtue tûkwambîrîria gûtuîrwa rî, gûkaarîkîrîria atîa na arîa matetîkîtie Ûvoro Mwaro ûrîa umîte kûrî Ngai?