1Pet 2:6 - ÎVUKU RÎA ÛVORO MWARO

⁶ Nîûndû mandîkorî matheru Ngai augîte atîrî, “Nîngwiga îthiga rîrîa nthuurîte Zayuni, îthiga rîu nî rîa goro. Mûndû wa wonthe ûmwîtîkagia ndagaaconorithua.”

1Pet 2:6 ပူးပေါင်းရင်းမြစ်များ

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

Thaburi 40:14

Andû arîa mageragia kûmbûraga maroconoka na mavîngîcîke, arîa mendaga kûmbîka naaî marovootwa na maconorithue.

Thaburi 89:19

Vîndî ya tene we nîwarîrie ndungata ciaku irîa ikwîvokete na njîra ya kîoneki ûkiuga atîrî, “Nie nîmveete mûndû ûmwe njamba vinya, nîmûthuurîte kuuma gatagatî ka andû na ngamûva gîtî Kîam ûthamaki.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 41:11

“Taroria, arîa onthe maakûrakarîre nîmagaaconoka na maconorithue. Arîa magianaga nawe magaatuîka kîndû vatarî na nîmagaakua.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 50:7

Nîûndû Mwathani Ngai-Mûnene nîke ûndethagia; kwoguo ndirî mûmaku. Ndûmîte ûthiû wakwa ûme ta îthiga, na nîmbîcî atî ndigaaconorithua;

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Danieli 10:21

Nwatî nîngaakwîra ûrîa kwandîkîtwe îvukuurî rîa ûma. Ndirî na wa kûndethia kûrûa na nthû ino tiga Mikaeli, mûraika ûrîa ûmûgitagîra.

Zakaria 10:4

Juda nîgûkaauma athamaki a mîthemba mîîngî, atongoria mekariî ta îthiga rîa kona, kana gîkingi Kîam îgema, na marî na vinya ta ûta ûrîa ûvûthagîrwa mbaararî.

Mathaayo 12:18

“Taroriani ndungata yakwa îrîa nie nîthuurîrîte, nîo mendete na nîngenaga nî yo. Nîngaamîva roho wakwa, nayo nîîkamenyithia andû a ndûrîrî îtuîro rîakwa.

Maariko 12:10

Nie nî na ma nîmûthomete mandîkorî atî ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe.

Luka 20:17

Nwatî Jesû nîwamakûrîre metho na akîmeera atîrî, “Mûtaûkagîrwa atîa vi nî Mandîko marîa maugaga: ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.’

Luka 23:35

Rîrîa andû maarûngamîte vau maroretie, atongoria a Ayahudi nîmaanyûrûririe Jesû makîmwîraga atîrî, “Nîaravonokagia andû arîa engî, tiga evonokie rîu angîthîrwa ke nîke Mesaya ûrîa Ngai athuurîte!”

Johana 7:38

na wata ûrîa mandîko matheru maugîte, ‘Ngororî ya mûndû wa wonthe ûmbîtîkîtie gûkaaumaga tûrûnjî twa manjî marîa mavecanaga mwoyo.’ ”

Ciîko 1:16

“Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

Aroma 10:11

Mandîko matheru maugîte atîrî, “Mûndû wa wonthe ûmwîtîkîtie ndagaaconorithua.”

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

2Tim 3:16

Namo mandîko marîa monthe matheru, Ngai nîke waveere arîa maamandîkire ciugo irîa makwandîka nîguo ituîke cia kûthomithania ûvoro wa ma, kûmenyithia andû mavîtia mao nîguo meke maûndû marîa maro na matûûre na mûtûûrîre mwaro,

1Pet 2:4

Ûkani kûrî Mwathani na nîke Îthiga rîrî mwoyo rîrîa rîaregirwe nî andû nwatî nîrîathuurirwe nî Ngai na nî rîa goro.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.

2Pet 1:20

Îgûrû rîa maûndû monthe, ririkanagani atî gûtirî mûndû ûngîvota gûtaûra ûrathi ûrîa ûrî Mandîkorî Matheru na ûvoti wake mwene.

2Pet 3:16

Ûguo nîguo augîte maarûarî ciake cionthe rîrîa rîonthe andîkîte îgûrû rîa ûvoro ûyû. Maûndû mamwe marî maarûarî cia Paûlo nî maûmû mûno mûndû gûtaûkîrwa nîmo. Nao andû arîa methagîrwa matarî athomu na arîa matekindîrîtie wîtîkiorî nîmataaragîria maûndû mau na njîra ya maveeni, wata ûrîa mataaragîria icunjî irîa ciîngî cia Mandîko Matheru. Kwoguo nîmethiragia o ene.