1Pet 2:21 - ÎVUKU RÎA ÛVORO MWARO

²¹ Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.

1Pet 2:21 ပူးပေါင်းရင်းမြစ်များ

Thaburi 85:13

Ûthingu nîûgaatongoreria Ngai-Mûnene; na nîûkaamûthondekera njîra.

Mathaayo 10:38

Na mûndû wa wonthe ûtakuuaga mûtharava wake na akanûmîrîra, tî mwagîrîru wa gûtuîka mûrutwa wakwa.

Mathaayo 11:29

Ocani îcoki rîakwa mwîkîre na mwîrute na nie, nîûndû nie nîrî mûvoreri na nîmwînyivia ngororî yakwa na nîmûkûvurûka.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Luka 24:26

Na kinthî gûtiagîrîrîte Mesaya athînue nîguo acoke kwoneka arî na riiri wake?”

Johana 13:15

Nie namûva kîonereria nîguo mwîkage wata ûrîa namwîka.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 17:3

Nîwamataarîrie mandîko na kuuma kûrî mo akîmonia na ma atî nîkwarî na wagîrîru wa Mesaya athînue na acoke ariûke. Nake Paûlo nîwamerire atîrî, “Jesû ûcio nie nîramwîra ûvoro wake, nîke Mesaya.”

Ciîko 9:16

Na nie mwene nîngûmwonia ûrîa ke akathînua nîûndû wakwa.”

Aroma 8:29

Nîûndû andû arîa Ngai aathuurire kuuma wa tene nîwamamûrire matuîke ta Mûrû wake nîguo nake Mûrû wake atuîke îrikithathi rîa ciana nyîngî cia îthe ûmwe.

1Akor 11:1

Îîgerekanagieni nanie wata ûrîa nîgerekanagia na Kristû.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Afil 2:5

Îthagîrwani na ngoro ta îrîa yarî na Kristû Jesû.

1Ath 3:3

nîguo gûtikagîe mûndû wana ûmwe wa cienyu ûgûcoka na vuva nîûndû wa mînyamaaro îno. Mue ene nîmwîcî atî mînyamaaro ta îo nî gîcunjî kîmwe Kîam wendi wa Ngai kûrî tue.

1Ath 4:2

Nîûndû nîmwîcî maûndû marîa twamûtaarire mwîkage twathîtwe nî Mwathani Jesû.

2Tim 3:12

Mûndû wa wonthe wendaga gûtûûra arî mûrûmîrîri wa Jesû Kristû nwa nginya anyamarue.

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.

1Pet 1:20

Kristû aathuurirwe nî Ngai mbere ya nthî kûmbwa, nwatî rîu mîthenyarî îno ya kûrigîrîria nîaguûrîtue nîûndû wenyu.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.

1Pet 4:1

Nîûndû Kristû nîwathînîkire kîîmwîrî, wa namue nwanginya mûgîcage na meciria ta marîa Kristû aarî namo, nîûndû mûndû ûrîa ûthînîkîte kîîmwîrî nîatiganîte na mevia.

1Pet 4:13

Nwatî kenani nîûndû mûrathînua wata ûrîa Kristû aathînirue, nîguo mûkeethîrwa mwîcûrîtwe nî gîkeno rîrîa riiri wake ûkaaguûrua.

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.