1Pet 2:19 - ÎVUKU RÎA ÛVORO MWARO

¹⁹ Ngai nîarathimaga mûndû ûrîa ûmagîrîria ûrûrû wa mathîna marîa matamwagîrîrîte nîûndû ke nî amenyete wendi wa Ngai.

1Pet 2:19 ပူးပေါင်းရင်းမြစ်များ

Ayubu 21:27

Ta nthikîrîriani! Nie nîmbîcî meciria menyu, na ngamenya mîvango yenyu ya kûnjûkangia.

Thaburi 119:86

Maathani maku monthe nî ma ma, andû manyariraga na njîra ya maveeni; ndethia!

Thaburi 35:19

Ndûgatûme nthû ciakwa, andû a maveeni manthekerera, Ndûgatûme andû acio mamenerete makenerera mathîna makwa.

Thaburi 38:19

Nthû ciakwa irî na ûgima wa mwîrî na irî na vinya; andû arîa mamenaga mana nîo eengî.

Thaburi 69:4

Arîa mamenerete mana nî eengî gûkîra njuîrî cia kîongo gîakwa. Nthû ciakwa ciaragia maveeni îgûrû rîakwa; marî na vinya na marenda kûmbûraga, nîngîvota atîa gûcokia kîndû ndaîîte?

Luka 6:32

“Mûngîrathimwa atîa, angîthîrwa mûkendaga tu wa andû arîa mamwendete? Wana nginya evia nîmendaga andû arîa mamendete!

Johana 15:21

Nwatî nîmakaamwîka maûndû mama monthe nîûndû wakwa na nîûndû matiîcî ûrîa wandûmire.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Aroma 13:5

Kwoguo nwanginya mûndû athîkagîre arîa mathanaga, tî nîûndû nwa makûverithie; nwatî nîûndû thamiri yaku nîrakwîra wîke guo.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 8:1

Ariû na aarî a îthe wetû, nîtûkwenda mûmenye ûrîa Ngai onanîtie wega wake makanitharî marîa marî Makedonia.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

Ahib 10:2

Ethîrwa andû arîa magoocaga Ngai maarî atherie mevia mao, matiagîrîîrwe nî kwîgua marî evia rîngî na magongoona monthe nîmangîatigire kûrutwa.

1Pet 2:20

Nî umithio ûrîkû mûndû angîgîa naguo rîrîa aûmîrîria ndivo ya kûmûverithia nîûndû wa gwîka naaî? Nwatî mûndû ûrîa ûmagîrîria rîrîa arathînua nîûndû wa gwîka waro, nîarathimagwa nî Ngai.

1Pet 4:15

Gatagatîrî kenyu gûtikanonekane mûndû wana ûmwe ûrathînua nîûndû atî ke nî mûûragani, mwîi kana muni watho wana kana atî nîûndû ke nî mûtonyereri wa maûndû ma andû arîa engî.