1Pet 2:18 - ÎVUKU RÎA ÛVORO MWARO

¹⁸ Mue ndungata nwanginya mwathîkagîre anene enyu na mûmavecage gîtîîo kîrîa kîmagîrîrîte. Mûtikathîkagîre wa arîa tu marî ntha na avoreri, nwatî athîkagîrani wana arîa mamûvinyagîrîria.

1Pet 2:18 ပူးပေါင်းရင်းမြစ်များ

Thaburi 101:4

Ndigaatuîka mûndû ûtarî mwîvokeku, ndikaagwatanîra na maûndû macûku.

Nthi 10:32

Andû arîa athingu nîmaicî ûrîa magîrîrwe nî kuga, nwatî andû arîa aganu maragia maveeni vîndî cionthe.

Nthi 11:20

Ngai-Mûnene nîathûrîte andû arîa meciragia maûndû ma kûvîtithia andû, nwatî nîakenagua nî arîa mekaga maûndû marîa magîrîru.

Nthi 3:32

Nîûndû Ngai-Mûnene nîathûrîte mûndû ûrîa mwaganu, nwatî nîatucaga mûndû ûrîa mwîvokeku mûrata wake.

Nthi 8:13

Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.