1Pet 2:16 - ÎVUKU RÎA ÛVORO MWARO

¹⁶ Tûûragani ta andû meyathîte, na mûtigetîkagîre wîyathi ûcio wenyu ûtuîke wa gûkunîkagîra naaî. Nwatî tûûragani ta ngombo cia Ngai.

1Pet 2:16 ပူးပေါင်းရင်းမြစ်များ

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Johana 15:22

Angîthîrwa ndiamava ndûmîrîri yakwa, matingîatuirwe evia. Nwatî rîu matirî na kîîgwatio atî matirî na mevia.

Aroma 6:18

Mue nîmwovorirwe kuuma meviarî, na rîu mûrî ngombo cia gwîkaga maûndû ma ûthingu.

Aroma 6:22

Nwatî rîu mûrî ovore kuuma meviarî na mûrî ngombo cia Ngai. Naguo umithio ûrîa mûgîcaga naguo nî gûtûûra mwîyamûrîrîte Ngai na mûthiiarî mwoyo wa tene na tene.

1Akor 7:22

Arîa maarî ngombo vîndî îrîa Mwathani aametire, rîu nîarekererie nîûndû wa Mwathani. Nao arîa maarî arekererie vîndî îrîa meetirwe, rîu o nî ngombo cia Kristû.

Agal 5:1

Tue tûrî na wîyathi rîu nîûndû Kristû nîwatûrutire ûkomborî! Kwoguo îkaragani ta andû marî na wîyathi na mûtigetîkîre gûcoka ûkomborî rîngî.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Aefeso 6:6

Tigagani gwîkaga ûguo tu wa rîrîa mamûroretie atî nîûndû wa kwenda kwîyendithia kûrî o. Nwatî mûrî ta ngombo cia Kristû, vingagiani wendi wa Ngai mûkîvûthagîra vinya wonthe wenyu.

Akol 3:24

Menyagani atî Mwathani nîke ûkaamûva îgai rîrîa aigîrîte andû ake kîrî kîveo, nîûndû Kristû nîke Mwathani wa ma ûrîa mue mûtungatagîra.

1Ath 2:5

Mue nîmwîcî atî tîkwa twîyendithagia na njîra ya kûmûva ndeto cia maveeni wana tûtitûmagîra ciugo cia gûkunîkîra ûkoroku. Ngai nî mûira wetû!

Jakuvu 1:25

Nwatî andû arîa mathomaga waro watho ûrîa mûkinyanîru na ûrutaga mûndû ûkomborî, nîaûrûmagîrîra na akavingia ûrîa ugîte na tî kûthikîrîria na akîriganîrwa nîguo, andû acio nî arathime maûndûrî monthe marîa mekaga.

Jakuvu 2:12

Kwoguo aragiani na mwîkage maûndû ta andû magaatuîrwa na njîra ya watho ûrîa ûrekagîrîria andû.

2Pet 2:19

Nîmameragîra wîyathi, nwatî o ene methagîrwa marî ngombo cia mîtugo îrîa îcûkangagia. Nîûndû mûndû ethagîrwa arî ngombo ya kîndû kîrîa kîmûkîragia ûvoti.

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.