1Pet 2:13 - ÎVUKU RÎA ÛVORO MWARO

¹³ Nîûndû wa Mwathani, athîkagîrani andû onthe arîa marî wathanirî. Athîkagîrani wathani wa mûthamaki ûrîa mûnene wa Roma.

1Pet 2:13 ပူးပေါင်းရင်းမြစ်များ

Nthi 17:11

Mûndû mwaganu endaga tu wa kûregana na Ngai, nake mûndû ta ûcio atûmagîrwa mûnjaama mwaganu akamûverithie.

Nthi 24:21

Mwana wakwa îtigîre Ngai-Mûnene na ûtîîe mûthamaki, ndûkanyitanîre na arîa maregaga kwathîkîra Ngai-Mûnene kana mûthamaki.

Jeremia 29:7

Caragiani thayû wa îtûûra rîrîa natûmire mûthamîrue na mûvoyage Ngai-Mûnene nîûndû warîo, nîûndû maûndû mao nîmagûtuîka maro.

Mathaayo 22:21

Nao nîmaamûcokerie atîrî, “Nî cia mûthamaki wa Roma.” Nake Jesû nîwamerire atîrî, “Rutagîrani mûthamaki wa Roma kîrîa kîthagîrwa gî gîake na mûrutagîre Ngai kîrîa kîthagîrwa gî gîake.”

Maariko 12:17

Kwoguo Jesû nîwamerire atîrî, “Rutagîrani mûthamaki wa Roma kîrîa kîthagîrwa kîrî gîake, na mûrutagîre Ngai kîrîa kîthagîrwa gî gîake.” Nao andû nîmaamakire nîûndû wa ûrîa aamacokerie.

Luka 20:25

Jesû nîwamerire atîrî, “Kwoguo rutagîrani mûthamaki wa Roma kîndû kîrîa kîthagîrwa kîrî gîake, na mûrutagîre Ngai kîndû kîrîa kîthagîrwa kîrî gîake.”

Aefeso 5:21

Athîkanagîrani mûndû na ûrîa wîngî nîûndû wa ûrîa mûtîîte Kristû.

Tito 3:1

Ririkania akristiano kwînyivia mbere ya anene na athani. Magîrîrwe nî kûmathîkagîra na kwîthagîrwa mevarîrîtie gwîka ciîko mbaro.

1Pet 2:17

Tîîagani andû onthe, endagani aarî na ariû a îthe wetû, îîtigagîreni Ngai na mûvecage mûthamaki wa Roma gîtîîo.

2Pet 2:10

Andû arîa makaaverithua nî arîa marûmagîrîra merirîria macûku ma mîîrî yao, na makanyarara wathani wa Ngai. Arimû a maveeni nî aûmîrîru na nî ndûrîka na mationanagia gîtîîo kûrî ciûmbe cia îgûrû irîa irî riiri, vandû va ûguo nîkwa mairumaga.