1Pet 2:12 - ÎVUKU RÎA ÛVORO MWARO

¹² Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Pet 2:12 ပူးပေါင်းရင်းမြစ်များ

Thaburi 37:14

Andû arîa aganu macomoraga mviû ciao na magakucia mota mao, nîguo maûrage andû arîa athîni na arîa avatari, maûrage andû arîa mekaga maûndû marîa magîrîrîte.

Thaburi 50:23

Mûndû ûrîa ûnjokagîria ngatho rîrî îgongoona nîandîîaga, nama, nîngaavonokia andû onthe arîa mambathîkagîra.”

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Danieli 6:4

Nao arûngamîrîri acio engî na anene a thirikari nîmambîrîrie gûcaria ûndû mangîcuka Danieli naguo wîgiî wîra wake wa kûrûngamîrîra vûrûri. Nwatî mationa ûndû mangîmûcuka naguo, kana îvîtia wana rîmwe nîûndû Danieli aarî mûndû mwîvokeku na gûtirî îvîtia kana ûndû mûcûku ekîte.

Mathaayo 10:25

Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Mathaayo 5:11

“Kûrathimwa nî mue vîndî îrîa andû mamûruma, mamûnyarira, na mamwigîrîra ing'enyo cia mîthemba na mîthemba nîûndû mûrî arûmîrîri akwa.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Mathaayo 9:8

Na rîrîa andû moonire ûrîa gwekîka, nîmeetigîrire na magîkumia Ngai nî ûndû wa kûva andû wathani ta ûcio.

Luka 1:68

“Mwathani Ngai wa Isiraeli arokumua! Nîûndû nîacerere andû ake, na akamakûûra kuuma ûkomborî.

Luka 19:44

Nîikaamûcûkangia wa vamwe na ciana cienyu na gûtirî îthiga wana rîmwe magaatiga rîrî îgûrû rîa rîngî, nîûndû mûtiamenya kavinda karîa Nga aaûkîte kûmûvonokia!”

Luka 6:22

Kûrathimwa nîmue vîndî îrîa andû mamûmena, mamûrega, mamûruma, na mamûcambia nîûndû wa Mûrû wa Mûndû.

Johana 13:31

Judasi aathiî, Jesû nîwaugire atîrî, “Rîu Mûrû wa Mûndû nîmûve riiri, na riiri wa Ngai nîwonanîtue na njîra ya Mûrû wa Mûndû.

Ciîko 15:14

Simioni nîwatwîra ûrîa Ngai mbere onanirie ûmenyereri wake kûrî andû a ndûrîrî. Ke eekire ûguo na njîra ya gwîta andû amwe kuuma gatagatîrî kao nîguo matuîke ake.

Ciîko 24:13

O wana matingîvota gûkwonia atî maûndû mau rîu maranthitanga nîûndû wamo nî ma ma.

Ciîko 25:7

Rîrîa Paûlo aakinyire, Ayahudi arîa maanyûrûrûkîte kuuma Jerusalemu nîmaarûngamire mamûthiûrûrûkîrîtie na makîambîrîria kûmûthitanga na maûndû meengî macûku marîa mataavota kwonania ûma wamo.

Ciîko 28:22

Nwatî nîtûrenda kûmenya meciria maku, nîûndû nîtwîcî atî kûndû kuonthe andû nîmaramenereria gîkundi kîu Kîam ndini kîrîa we ûrî wakîo.”

Aroma 12:17

Mûndû angîgwîka naaî, ndûkamwîke naaî. Nwatî geragia gwîka andû onthe maûndû marîa maro.

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

Aroma 15:9

Kristû ekire ûguo nîguo andû a Ndûrîrî makumie Ngai nîûndû wa ntha ciake. Mandîko Matheru maugîte atîrî, “Kwoguo nie ngaagûkumagia gatagatîrî ka andû a Ndûrîrî, nie ngaainaga ngîkumagia rîîtwa rîaku.”

1Akor 14:25

Namo maûndû ma nthitho marîa marî ngororî ciao nîmakûguûrua. Kwoguo nîmakwînamîrîra na magooce Ngai makiugaga atîrî, “Na ma Ngai arî ava gatagatîrî kenyu!”

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 13:7

Nwatî tûvoyaga Ngai mûtikevie. Tue tûtivoyaga ûguo nîguo twonanie atî nîtwîkîte waro, nwatî nîguo mwîke ûrîa kwagîrîrîte wana ethîrwa twonagwa tûrî agwîu.

2Akor 8:21

Mûvango wetû nî gwîka ûrîa kwagîrîrîte mbere ya Mwathani na mbere ya andû.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Aefeso 4:22

Kwoguo tiganani viû na ûmûndû wenyu ûrîa mûkûrû ûrîa mûrethagîrwa mûrî naguo mbererî. Ûmûndû ûcio ûcûkîte nîûndû wa kûrûmîrîra merirîria ma kûveenania.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Ath 4:12

Mweka ûguo, mûkaavecagwa gîtîîo nî andû arîa matetîkîtie na mûtikeevokaga mûndû wana ûrîkû amûve kîrîa mûvatarîte.

1Tim 2:2

Voyagîrani athamaki na anene onthe nîguo twîkarage tûkirîrîtie, tûrî na thayû, twînyivîtie mbere ya Ngai na tûrî na mîtugo mîaro.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

Ahib 13:18

Tûvoyagîreni. Tûrî nama atî thamiri cietû nî ntheru, nîûndû twendaga gwîka ûrîa kwagîrîrîte mavindarî monthe.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Jakuvu 3:13

Nîkûrî na andû gatagatîrî kenyu marî na ûûgî na ûtaûku? Nîmwagîrîrwe nîkûwonania na njîra ya mîtûûrîre yenyu mîaro na njîra ya ciîko cienyu mbaro ciîkîtwe na wînyivia na ûûgî.

1Pet 2:15

Nîûndû wendi wa Ngai nî atî, na njîra ya maûndû maro marîa mwîkaga mûkaavotaga gûtûma andû arîa aritu matigane na mîario yao ya ûrimû.

1Pet 3:16

Nwatî îkagani ûguo mûrî na ûvoreri na gîtîîo. Îthagîrwani mûrî na thamiri ntheru, nîguo andû arîa maragia ûndû mûcûku ûmwîgiî nîûndû nîmûrûmagîrîra Kristû, maconokage.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.

2Pet 3:11

Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,

Ruthu 3:14

Kwoguo Ruthu nîwamamire vau magûrûrî ma Boazu nginya gûgîkîa, nwatî nîwaramûkire mbere ya kûthamburûkane nîûndû Boazu ndeendaga mûndû wanarî ûmwe amenye atî Ruthu aararîte kûu.