1Pet 2:11 - ÎVUKU RÎA ÛVORO MWARO

¹¹ Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

1Pet 2:11 ပူးပေါင်းရင်းမြစ်များ

Kîam 21:34

Iburahimu nîwatûûrire vûrûrirî wa Afilisiti arî mûgeni îvinda îraca.

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

1Maû 29:15

Tûrî ageni na evîtûkîri methorî maku, wata ûrîa methe metû mekariî. Kavinda getû gûkû nthî gekariî ta kîruru, tûtirî na kîîrîgîrîro.

Thaburi 119:19

Nie nîrî mûgeni gûkû nthî; ndûkanthithe maathani maku.

Thaburi 119:54

Ndwîre minaga watho waku nîrî mûgeni gûkû nthî.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

Alawi 15:18

Mûndûmûrûme angîmenyana kîîmwîrî na mûndûmûka na arute vinya wake wa ûciari, andû acio oîrî nwanginya makethambia, na magekara matarî atheru nginya kîvwaî.

Alawi 25:23

“Mûtiagîrîrwe nî kwendia mûgûnda wenyu viû, nîûndû tî wenyu. Nî wakwa, na mue mûrî ageni evîtûkîri arîa etîkîrie gûûtûmîra.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Ciîko 15:29

Mue mûtiagîrîrwe nî kûrîa irio wa cionthe irîa itegeretwe mîvuanano; mûtiagîrîrwe nî kûrîa nthakame; wana kana nyama cia nyamû irîa ciîthagîrwa ithioretwe ngingo ikaûragwa itagwîtûrûra nthakame; mûtiagîrîrwe nî kûvûûra ûmaraa. Mue mûgeeka waro ethîrwa mûkathengutagîra maûndû mama. Tigwani na waro.”

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

Aroma 7:23

Nwatî mwîrîrî wakwa nîmonaga watho wîngî ûkîruta wîra. Watho ûcio nî ûrûaga na maûndû marîa meciria makwa monaga marî maro na ngatuîka ngombo ya watho wa mevia marîa matûûraga ndaarî yakwa.

Aroma 8:13

Nîûndû mwatûûra mwathagwa nî maûndû ma mwîrî nîmûgaakua. Nwatî ethîrwa na njîra ya Roho nîmûkûûraga ciîko cienyu njûku irîa mwîkaga, nîmûgûtûûra mwoyo.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 2:19

Kwoguo, mue andû a Ndûrîrî mûtirî ageni kana avîtûki rîngî, nwatî rîu nîmûtuîkîte kîndû kîmwe na andû a nyomba ya Ngai.

Aefeso 4:1

Nie njovetwe nîûndû nîndungatagîra Mwathani, kwoguo nîramûthaitha mûtûûre na mîkarîre îringanîte na rîtana rîrîa mwetîrwe.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

Ahib 11:13

Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

Ahib 6:9

Arata akwa, wana ethîrwa nîtwaragia ûguo tûtirî na nganja namue. Nîtwîcî nîmûthiîte na njîra îrîa mbaro ya kûmûkinyia ûvonokiorî wenyu.

Jakuvu 4:1

Mbaara na gûtetania ciumaga kû gatagatîrî kenyu? Ciumanaga na kwîgua ngumba ya maûndû marîa meriragîrua nî mîîrî yenyu, na marûaga vîndî cionthe ndaarî yenyu.

1Pet 1:1

Nie Petero mûtûmwa wa Jesû Kristû nîrandîkîra arîa mathuurîtwe nî Ngai, arîa matûûraga mathamîrîte na makanyagarûka mavûrûrirî ma Ponto, Galatia, Kapadokia, Asia na Bithînia.

1Pet 1:17

Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.

1Pet 4:12

Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.

1Pet 4:2

Kuuma rîu mûtûûrîre wenyu gûkû nthî nîwîthagîrwe ûtongoretue nî wendi wa Ngai nwatî tî merirîria ma ûmûndû.

2Pet 3:1

Arata akwa, îno rîu nîyo maarûa yakwa ya kaîrî kûmwandîkîra. Maarûarî wa cioîrî, nîngeretie kûrurumûkia meciria menyu mevokeku na njîra ya kûmûririkania maûndû mama.