1Pet 2:1 - ÎVUKU RÎA ÛVORO MWARO

¹ Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

1Pet 2:1 ပူးပေါင်းရင်းမြစ်များ

Ayubu 36:13

“Andû arîa matarî na ûngai, mendaga kûrakara, wana rîrîa makûverithua o mativoyaga ûtethio.

Thaburi 32:2

Kûrathimwa nî mûndû ûrîa Ngai-Mûnene onaga atarî na mavîtia, mûndû ûrîa ûtaveenanagia.

Thaburi 34:13

Tiga kwaragia maûndû marîa macûku, na ûtige kwaragia maveeni.

Thaburi 37:1

Mûtikamakue nî andû arîa aganu; mûtikeguîre wîru arîa mekaga naaî.

Thaburi 73:3

nîûndû nînegucagîra andû arîa etîi wîru, rîrîa nonire atî andû arîa aganu nwa maûndû maro monaga.

Nthi 14:30

Meciria marî na thayû matûmaga mwîrî ûgîe na ûgima, nwatî wîru nîta woru ûrî mavîndîrî.

Nthi 24:1

Ndûkeguîre andû arîa acûku wîru, kana wîrirîrie kwîthîrwa ûrî mûrata wao.

Nthi 24:19

Ndûkamakue nî andû arîa mekaga maûndû macûku, na ndûkeguîre arîa aganu wîru.

Nthi 3:31

Ndûkerirîrie maûndû ma mûndû mwaganu, kana wîcirie gwîka ûndû wanarî ûmwe wa marîa ekaga.

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Mathaayo 15:7

Mue mvinga ino! Na kaî mûrathi Isaia nîwamenyaga rîrîa aarathire ûvoro ûmwîgiî-î!

Mathaayo 23:28

Ûguo nwa ta guo wa namue mwonekaga mûrî aro nî andû onthe, nwatî na kûu ndaarî mwîcûrîtwe nî ûvinga na mevia.

Mathaayo 24:51

Mwathi wa ndungata îo nî akaamîverithia mûno na amîtuîre ûndû ûmwe na mvinga. Kûu nîkuo andû makaarîra na marîe magego nîûndû wa ûrûrû.

Mathaayo 7:5

We mvinga îno! Amba ûrute gîting'û kîrîa kîrî rithorî rîaku we mwene na nîûkûvota kwona waro ûkîruta kîvuti kîrîa kîrî rithorî rîa mûrwanyûkwe.

Maariko 12:15

Nwatî Jesû nîwamenyire atî maarî na ûvinga na akîmaûria atîrî, “Mûrangeria nîkî? Tanengerani mbeca nîmîrorie.”

Luka 11:44

Na kaî mue mûrî na thîna-î! Nîûndû mue mwîkariî ta mbîrîra irîa itarî na rûûri na irîa andû makinyangaga matakûmenya.”

Luka 12:1

Vîndî wa îo, rîrîa andû ngiri nyîngî maagomanîte nginya makambîrîria gûkinyangana magûrû, Jesû nîwambire kwarîria arutwa ake akîmeera atîrî, “Îîmenyagîrîreni kuumana na ûvinga wa Afarisai ûrîa wîkariî ta ndawa ya kwimbia mîgate.

Luka 6:42

Ûngîvota kwîra mûrûanyûkwe atî nîûkûmûruta kîvuti kîrîa kîrî riithorî rîake atîa, wa rîrîa we ûtangîvota kwona gîting'û kîrîa kîrî riithorî rîaku? We mvinga îno! Amba ûrute gîting'û kîrîa kîrî riithorî rîaku, nîguo ûvote kwona waro ûkîruta kîvuti kîrîa kîrî riithorî rîa mûrûanyûkwe!

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Aroma 1:29

Nîmecûrirwe nî waganu wa mîthemba yonthe, maûndû macûku, ûkoroku na ûthû. Mecûrîtwe nî wîru, ûragani, mbaara, maveeni na gwîcirîria andû arîa engî naaî.

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.

Aefeso 4:31

Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.

1Ath 2:3

Kûmûthaitha gwetû gûtiumanîte na mavîtia, ngoro njûku kana wara.

1Tim 3:11

Aka ao nao magîrîrwe nîkwîthîrwa marî na mîtugo mîaro na matarî na ngutû. Nwa nginya methîrwe marî andû meîguîte na marî evokeku maûndûrî monthe.

Tito 2:3

Na njîra wata îno, îra aka arîa akûrû mekare na mîtugo îrîa aka arîa atheru magîrîrwe nî kwîthîrwa nayo. Matiagîrîrwe nî gûtuîka aka a gûcukanaga, kana matuîke ngombo cia ndivei. Meere atî nwa nginya mathomithanagie maûndû marîa maro,

Ahib 12:1

Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.

Jakuvu 1:21

Kwoguo îîyaûreni mîtugo yonthe mîcûku na maûndû monthe matarî maro. Îînyivieni mbere ya Ngai na mwamûkîre kiugo kîrîa avandaga ngororî cienyu na nîkîo kîngîvota kûmûvonokia.

Jakuvu 3:14

Nwatî ethîrwa ngororî cienyu mûrî na wîru, ûrûrû na wîyendi, mûtigetîîe na ûûgî wenyu, nîûndû mweka ûguo nî mûreganîte na ûma.

Jakuvu 4:11

Ariû na aarî a îthe wetû, tigagani gûcambania. Mûndû ûrîa ûcambagia mûkristiano ûrîa wîngî kana akamûtuîra, nî acambagia watho na agaûtuîra. Mûndû ûtucagîra watho, ndawathîkagîra nwatî nîatuîkaga mûtucanîri.

Jakuvu 4:5

Mûtigecirie atî gûtirî na ûma mandîkorî matheru marîa maugîte atîrî, “Ngai nîwîriragîria arî na wîru mwîngî Roho ûrîa eekîrire ndaarî yetû.”

Jakuvu 5:9

Ariû na aarî a îthe wetû, tigagani gwîkara mûgîtetanagia nîguo mûtigatuîrwe. Taroriani mûtucanîri arûngamîte mûrangorî.

1Pet 2:16

Tûûragani ta andû meyathîte, na mûtigetîkagîre wîyathi ûcio wenyu ûtuîke wa gûkunîkagîra naaî. Nwatî tûûragani ta ngombo cia Ngai.

1Pet 2:22

Ke gûtirî wîvia eekire na ndaanaria maveeni.

1Pet 3:10

Mandîko Matheru maugîte atîrî: “Mûndû wa wonthe wendete mwoyo wake, na wendaga gûtûûra akenete, nwanginya atige kwaragia maûndû macûku, na atige kwaragia maveeni.

1Pet 4:2

Kuuma rîu mûtûûrîre wenyu gûkû nthî nîwîthagîrwe ûtongoretue nî wendi wa Ngai nwatî tî merirîria ma ûmûndû.

1Pet 4:4

Andû arîa matetîkîtie Ngai nîmamakîte nîûndû mûtiranyitanîra nao mûtûûrîrerî ûcio wa waganu na wa wanangi. Kwoguo nîmaramûcambia.

Kûguû 14:5

Matianaria maûndû ma maveeni, na matirî ûcuke.