1Pet 1:8 - ÎVUKU RÎA ÛVORO MWARO

⁸ Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,

1Pet 1:8 ပူးပေါင်းရင်းမြစ်များ

Rwîmbo rwa Nyîmbo 1:7

Tambîra, we mwendwa wakwa, nîûthiî kûrîthia ng'ondu ciaku kû? Ikaanogoka kû thaa thita cia mûthenya? Ndikwenda ngaagûcaria gatagatî ka arîthi acio engî.

Rwîmbo rwa Nyîmbo 5:16

Ciugo ciake irî mûrîo, ngenagua nî maûndû make monthe. Mue aka a Jerusalemu, ûguo nîguo mwendwa wakwa ekariî.

Rwîmbo rwa Nyîmbo 5:9

We mûthaka gûkîra aka onthe, nîkwa mwendwa waku arî ngûrani na arîa engî? Nî ûndû ûrîkû wa mwanya arî naguo, ûcio ûratûma ûtûthaithe na vinya ûguo?

Mathaayo 10:37

“Mûndû ûrîa wendete îthe kana ng'ina kûngîra tîmwagîrîru wa gûtuîka mûrutwa wakwa; na mûndû ûrîa wendete mûvîcî kana mwarî kûngîra tî mwagîrîru wa gûtuîka mûrutwa wakwa.

Johana 14:15

“Ethîrwa nîmûmendete, mûkaathîkagîra maathani makwa.

Johana 14:21

“Mûndû wa wonthe wamûkagîra maathani makwa na akamathîkîra nîke ûmendete. Vava akendaga mûndû ûrîa ûmendete, wa nanie ngaamwendaga na ngeyonithanagia kûrî ke.”

Johana 14:24

Mûndû wa wonthe ûtamendete ndathîkagîra ciugo ciakwa. Na ciugo irîa mwegua tî ciakwa, nwatî ciumîte kûrî Vava ûrîa wandûmire.

Johana 16:22

Kwoguo mue rîu mûrî na kîeva, nwatî nîngaamwona rîngî na vîndî îo nîmûkaagîa na gîkeno, gîkeno kîrîa gûtarî mûndû ûngîmûcuna.

Johana 20:29

Nake Jesû nîwamwîrire atîrî, “Wetîkia nîûndû nîwamona? Kûrathimwa nî arîa metîkagia matonete!”

Johana 8:42

Nake Jesû nîwamerire atîrî, “Angîthîrwa na ma Ngai nîke Îthe wenyu, nîmûngîmendete nîûndû naaumire kûrî Ngai na rîu nîrî ava. Nie tînie netûmire nwatî Ngai nîke wandûmire.

Ciîko 16:34

Na vuva wa ûguo mûrangîri ûcio wa njeera nîwavirire Paûlo na Sailasi gwake mûciî, na akîmava irio. Nake mûrangîri wa njeera vamwe na andû ake nîmecûrirwe nî gîkeno nîûndû o nîmeetîkîtie Ngai.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

2Akor 1:22

Ke nîwekîrire rûûri rwake kûrî tue rwa kwonania atî tûrî ake, na nîwekîrire Roho wake ngororî cietû wa gûtwonia nama kîrîa kîonthe atwigîrîte.

2Akor 12:4

Kûu ke nîwegwire maûndû matangîranwa, marîa mûndû atangîvota kwaria na kanyua gake.

2Akor 4:18

Nîûndû meciria metû matirî kûrî indo irîa cionekaga nwatî marî kûrî indo irîa itonekaga. Indo irîa cionekaga itûûraga kavinda kanini, nwatî irîa itonekaga itûûraga tene na tene.

2Akor 5:7

Nîûndû tûthiîcaga na wîtîkio, tî na ûrîa tûrona.

2Akor 9:15

Nîtûcokie ngatho kûrî Ngai nîûndû wa kîveo gîake gîtarî kîthimo.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Aefeso 3:19

Mûromenya wendo wa Kristû wana gûtuîka ndûngîmenyeka viû nîguo mûgîe na wîcûru wa Ngai.

Aefeso 6:24

Wega wa Ngai ûrekara na arîa onthe mendete Mwathani wetû Jesû Kristû marî na wendani ûrîa ûtathiraga.

Afil 1:25

Nîrî na ma ya ûndû ûyû na kwoguo nîmbîcî nî ngûtûûra mwoyo. Nîndûûrania namue muonthe, nîguo ndûmage mûthiî na mbere na mûgîe na gîkeno kîîngî wîtîkiorî wenyu,

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.

Ahib 11:1

Wîtîkio nî kûgîa na ûma wa maûndû marîa twîrîgîrîrîte, na kûmenya atî maûndû marîa tûtavotaga kwona nî ma ma.

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

1Pet 1:6

Kenani nîûndû wa ûguo, wana ethîrwa kûrî na vata wa mûgîe na kîeva kavinda kanini nîûndû wa magerio ma mîthemba mîîngî marîa maramûthînia.

1Pet 2:7

Kûrî arîa mwîtîkîtie îthiga rîîrî nî rîa goro, nwatî kûrî arîa mûtetîkîtie: “Îthiga rîrîa rîaregirwe nî atumi a nyomba, nîrîo rîtuîkîte rîa vata mûno, gûkîra marîa mengî monthe.”

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.