Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1Pet 1:4 - ÎVUKU RÎA ÛVORO MWARO

4 kwoguo nîtwetagîrîra kûgwata îgai rîrîa Ngai aigîrîte andû ake. Îgai rîrîa amwigîrîte îgûrû kûrîa rîtangîora, rîtangîgia na gîko na rîtangîthira.

အခန်းကိုကြည့်ပါ။ ကော်ပီ




1Pet 1:4
27 ပူးပေါင်းရင်းမြစ်များ  

Kaî wega waku ûrîa wigîrîte arîa magûtîîte nî mwîngî-î! Andû onthe nîmaicî ûrîa wîkaga maûndû maro na ûkagitîra arîa makwîvokete.


Ngai-Mûnene nîwatûthuurîre vûrûri ûrîa tûtûûraga, îgai rîrîa andû ake arîa endete metîîagîra.


“Wata ûrîa îgûrû rîcerû na nthî njerû irîa ngaaûmba igaatûûra na vinya wakwa, nwaguo njiarwa cienyu na rîîtwa rîenyu igaatûûra.


Ndereerî cia rûnjî rûu mîena yoîrî nîgûgaakûra mîtî ya mîthemba yonthe ya matunda ma kûrîwa. Mîtî îo îkethagîrwa îrî mîruru vîndî cionthe na nîgaciaraga matunda mweri wa mweri nîûndû wa manjî marîa manyûrûrûkaga kuuma hekarûrî. Matunda mayo nî ma kûrîa na mathangû mayo nî ma kûvonia andû arîa arwaru.”


Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.


Rîrîa Jesû aambagîrîria kûthiî rûgendo, mûndû ûmwe nîwavinyûrire varî ke, agîturia maru mbere yake na akîmwîra atîrî, “Mwarimû Mwaro, nîngîka atîa nîguo ngaagaîrwa mwoyo wa tene na tene?”


“Rîu nie nîramwiga njararî cia Ngai na ûvororî wîgiî wega wake. Wega ûcio wake nwa ûvote kûmûva vinya na wavota gûtûma mûgîe na îgai rîa irathimo irîa Ngai aigîrîte andû onthe ake atheru.


Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’


Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.


Mûvinyûri wa wonthe akîîmenyeria ûrîa akaavinyûra mîthakorî nîwîathaga maûndûrî monthe. Ekaga ûguo nîguo akaavewa nthûmbî îrîa îthiraga, nwatî tue twîkaga ûguo nîguo tûkaavewa nthûmbî îrîa îtathiraga.


Nîûndû ethîrwa Ngai avecanaga kîveo nîûndû wa kwathîkîra watho rî ke ndavecanaga kûringana na kîîranîro. Nwatî Ngai aaveere Iburahimu kîveo nîûndû wa kîîranîro.


Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.


Roho nîke ûtûmenyithagia na ma atî nîtûkaagîa na kîrîa Ngai eerîre andû ake. Ke nîatwonagia na ma atî Ngai nîakaavecana wîyathi mwîganu kûrî arîa ake. Tigani tûkumie riiri wake!


Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.


Cokagîriani Îthe wenyu ngatho nîûndû nîamûvotithîtie gûtuîka agîrîru a kûgîa na îgai rîrîa aigîrîte andû ake ûthamakirî wa ûtheri.


Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.


Menyagani atî Mwathani nîke ûkaamûva îgai rîrîa aigîrîte andû ake kîrî kîveo, nîûndû Kristû nîke Mwathani wa ma ûrîa mue mûtungatagîra.


Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.


Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.


Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.


Riûa nîrîaraga rîrî na ûrugarî mwîngî na rîkavîvia mûmera, maûa maguo magûcaga na ûthaka waguo ûkathira. Na njîra wata îo itonga nîigaakua îrî mawîrarî ma cio.


Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.


Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.


Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ