1Pet 1:18 - ÎVUKU RÎA ÛVORO MWARO

¹⁸ Mue nîmwîcî atî nîmwakûrirwe kuuma mîtûûrîrerî îtarî vata îrîa mwatigîrwe nî methe menyu ma tene. Mûtiakûûrwa na na kîndû ta sîlûva kana thaavu irîa ingîcûka.

1Pet 1:18 ပူးပေါင်းရင်းမြစ်များ

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Isaia 44:22

Nîmvatîte mavîtia maku ta îtu, na mevia maku ta nundu; njokererani nîûndû nîmûkûûrîte.”

Isaia 52:3

Nîûndû Ngai-Mûnene arauga atîrî, “Mue mwendirue ûkomborî gûtarî kîndû mûrutîrîtwe; na mûgaakûûrwa mûtakûrutîrwa mbeca.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 4:11

Vîndî îo andû a Jerusalemu nîmakerwa atîrî, “Rûkûngi rûrî na ûrugarî mûnene nîrûravurutana kuuma werûrî rûkîte kûrî andû akwa. Tî rûkûngi rwa kûgûrûkia macaki kana kûtheria.

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Jeremia 9:14

Nwatî nîmaûmîtie ciongo na makarûmîrîra wendi wa ngoro ciao na makagooca mîvuanano ya Baali wata ûrîa maathomithirue nî methe mao.

Ezek 20:18

Na marî kûu werûrî nerire ciana ciao itikaarûmîrîre irîra cia methe mao, kana ciathîkîra mawatho mao, kana ciîgwatia gîko na njîra ya kûgooca mîvuanano.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Ndari 7:15

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Maariko 8:37

Gûtirî kîndû wana kîmwe mûndû angîvota gûkûûranania mwoyo wake nakîo.

Aroma 1:21

O nîmecî Ngai, nwatî matimûvecaga gîtîîo kîrîa kîmwagîrîrîte, kana magacokia Ngatho kûrî ke. Vandû va ûguo, meciria mao maatuîkire ma mana na ngoro ciao ciîcûrîtwe nî nduma.

1Akor 3:20

Wana gîcunjîrî kîngî Kîam mandîko matheru nîkwandîkîtwe atîrî, “Mwathani nîaicî atî meciria ma andû arîa aûgî nî ma mana.”

1Akor 6:20

Mwagûrirwe na thogora wa goro. Kwoguo tûmîrani mîîrî yenyu na njîra îgûtûma Ngai agoocithue.

1Akor 7:23

Mue nîmwagûrirwe na mûkîrîvîrwa thirî. Kwoguo mûtigatuîke ngombo cia andû.

Agal 1:4

Kristû nîwerutire ke mwene nîûndû wa mevia metû nîguo atûkûûre kuuma maûndûrî marîa macûku ma mavinda mama. Kristû eekire ûguo kûringana na wendi wa Ngai na nîke îthe wetû.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

1Pet 4:3

Mavinda mavîtûku mwîthîrîtwe mûgîka maûndû marîa andû arîa matetîkîtie Ngai meriragîria gwîka. Mûtûûrîte mûgîkaga maûndû ma ûra nthoni, mûrî na merirîria macûku, ûrîu, marugarî marîa matagîrîrîte ma waganu na mûgîkaga maûndû marî na nthoni ma kûgooca mîvuanano.

1Joh 3:5

Nîmwîcî atî Kristû aaûkire kûthengutia mevia, na atî ndaarî yake gûtirî rîvia.