1Pet 1:17 - ÎVUKU RÎA ÛVORO MWARO

¹⁷ Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.

1Pet 1:17 ပူးပေါင်းရင်းမြစ်များ

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Agal 2:6

Nwatî andû arîa moonekaga ta o atongoria gatagatîrî ka etîkia matianyongerera ûndû mûgeni. (Nîrauga ûguo nîûndû ndiramaka wana ethîrwa maarî atongoria kana mataarî, Ngai ndarî kîmenyano.)

Aroma 11:20

Nî ûvoro wa ma. Mvûa ciakavûrangirwe nîûndû itietîkia na mue mwîthagîrwa mûrî gîcunjî Kîam mûtî ûcio nîûndû nîmwîtîkîtie. Nwatî ndûgetîîe nîûndû wa ûguo, vandû va ûguo îîtigîreni.

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Jeremia 3:19

Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

Ahib 4:1

Na rîu, nîûndû Ngai nîatûvete kîîranîro gîa gûgaatonya kîvurûkorî gîake, nîtwîmenyagîrîreni nîguo gûtikethîrwe kûrî mûndû wana ûmwe gatagatîrî kenyu ûkaaremwa nî gûtonya.

Akol 3:25

Na mûndû wa wonthe wîkaga naaî akaagaîrwa kûringana na naaî îrîa ekaga, nîûndû Ngai atucagîra andû onthe ciira atarî na kîmenyano.

Aefeso 6:9

Wa namue athani, vecagani ngombo cienyu gîtîîo na mûtigage kûmekîra guoya. Menyagani atî mue na ngombo cienyu mûrî a Mwathani ûmwe ûrîa ûrî îgûrû, na atî ke atucagîra andû onthe cira atarî na kîmenyano.

Aefeso 3:14

Ûndû ûcio nîguo ûtûmaga ndurîria Îthe wetû maru,

Nthi 28:14

Gûkena nî mûndû ûrîa wîtigagîra Ngai-Mûnene vîndî cionthe, nwatî mûndû wa ngoro nyûmû arîkagîrîria thînarî.

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

1Pet 3:15

Nwatî ngororî cienyu vecagani Kristû gîtîîo kîrîa kîmwagîrîrîte ta Mwathani. Vîndî cionthe îthagîrwani mwîvarîrîtie gûcokeria mûndû wa wonthe ûrîa ûngîmûria mûmûtaarîrie ûvoro wîgiî mwîrîgîrîro ûrîa mûrî naguo.

2Akor 5:6

Kwoguo vîndî cionthe twîthagîrwa tûrî na ûmîrîru. Tue nîtwîcî atî vîndî îrîa tûrî mwoyo gûkû nthî tûrî na mwîrî, twîthagîrwa tûrî kûraca na Mwathani.

2Akor 1:2

Mûrogîa na wega na thayû kuuma kûrî Ngai Vava wetû na Mwathani Jesû Kristû.

Zefania 3:9

“Nîngaacoka ngarûre mwarîrie wa andû, nao makamvoyaga nienga tu na tî ngai ciîngî. Onthe nîmakaambathîkagîra na ngoro îmwe.

Nthi 14:16

Mûndû mûûgî nîwîmenyagîrîra na nîaûragîra maûndû macûku, nwatî mûndû kîrimû ndamakaga na ekaga maûndû na îvenya.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

1Maû 29:15

Tûrî ageni na evîtûkîri methorî maku, wata ûrîa methe metû mekariî. Kavinda getû gûkû nthî gekariî ta kîruru, tûtirî na kîîrîgîrîro.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

2Akor 7:11

Nîûndû ûcio taroriani ûrîa Ngai eekire nîûndû wa kîeva kîenyu. Kîeva kîu nîgîatûmire mûgîe na kîîo, gîgîtûma mwende kwonania atî mûtiarî na mavîtia, gîgîtûma mûrakare na mwîtigîre. Nîgîatûmire mwende kûmona, kwîrutîra na kwenda kwona gûgîkwa ûrîa kwagîrîrîte. Nîmwonanîtie atî mûtirî na mavîtia maûndûrî monthe.

Thaburi 89:26

Daudi nîakaambîra atî, ‘We nîwe vava, Ngai wakwa, Îthiga rîa ûvonokio wakwa.’

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.