1Pet 1:14 - ÎVUKU RÎA ÛVORO MWARO

¹⁴ Rîu nîûndû mûrî ciana mbathîki cia Ngai, mûtigatûûre na merirîria marîa mwatûûraga namo vîndî ya tene rîrîa mûtaarî ataûkîre.

1Pet 1:14 ပူးပေါင်းရင်းမြစ်များ

Ciîko 17:30

Ngai nîatuîte atî ke ndagûtara mavinda marîa andû mataamwicî. Nwatî rîu ke nîwathaga andû onthe arîa marî kûndû kuonthe merire,

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 6:4

Rîrîa twavatithirue nîtwathikirwe vamwe na Kristû ûvororî wîgiî gîkuû gîake, nîguo atî wata ûrîa Kristû ariûkirue nî vinya ûrîa ûrî riiri wa îthe wanatue nwa tûgatûûra mûtûûrîre mûcerû.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Gûco 27:10

Kwoguo athîkagîrani Ngai-Mûnene Ngai wenyu na mwathîkagîre maathani make monthe marîa ngûmûva ûmûnthî.”

1Ath 4:5

na ndagîrîrwe nî kwîthîrwa na merirîria macûku ta andû arîa matecî Ngai.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.