1Pet 1:13 - ÎVUKU RÎA ÛVORO MWARO

¹³ Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.

1Pet 1:13 ပူးပေါင်းရင်းမြစ်များ

1Atha 18:46

Vinya wa Ngai-Mûnene nîwatoonyire kûrî Elija; nîwacinîkîre nguo yake ndaca kîûnûrî na akîvinyûra mbere ya Ahabu nginya kîvingorî Kîam Jezireeli.

2Atha 4:29

Elisha nîwerire Gehazi atîrî, “Îîvarîrie na woce mûragi wakwa na ûthiî naguo. Ûngîcemania na mûndû wa wonthe njîrarî, ndûkamûkethie; na ûngîkethua nî mûndû wa wonthe, ndûkamûketheke. Thiî na wigîrîre mûragi wakwa ûthiûrî wa kaana kau.”

Ayubu 38:3

Îyûmîrîrie ta mûndûmûrûme, nîngûkûria ciûria nawe ûnjokerie.

Ayubu 40:7

Îîyûmîrîrie ta mûndûmûrûme; nîngûkûria ciûria, nawe ûnjokerie.

Ntha 12:11

Mûkaairîa na îvenya na mwîkîrîte nguo ta andû mathiîte rûgendo. Mûkeethîrwa mwîkîrîte iratû magûrû na mûrî na mîragi yenyu njara. Gîkethîrwa kîrî kîrugo Kîam pasaka ya Ngai-Mûnene.

Isaia 11:5

Ke akaathanaga na ûthingu na wîvokeku.

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Mathaayo 20:4

Kwoguo nîwerire andû acio atîrî, ‘Wana mue thiîni mûkarute wîra mûgûndarî wa mîthavibu, na ngaamûrîva mûcara ûrîa ûmwagîrîrîte.’

Luka 12:35

“Îkaragani mwîvarîrîtie vingo cionthe na mwîna taa cienyu igîakanaga.

Luka 17:30

Ûguo nwaguo gûgeekara mûthenya ûrîa Mûrû wa Mûndû akoonanua.

Luka 17:8

Na ma ndangîmîra ûguo! Vandû va ûguo nwa amîrire atîrî, ‘Mvarîrîria irio cia kîvwaî na weterere ndîe na nyue. Navaa nîrîo ûkaarîa na ûnyue.’

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

Aroma 8:19

Indo cionthe irîa ciaûmbirwe cietererete mûno rîrîa Ngai akoonania ciana ciake.

1Akor 1:7

Kwoguo mue nîmwamûkîrîte iveo cia mîthemba yonthe irîa Roho wa Ngai avecanaga wa mwetererete mûthenya wa kûguûrua kwa Mwathani wetû Jesû Kristû.

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

Aefeso 6:14

Kwoguo îkaragani mwîkindîrîtie na mwîvotorete ûma ta arî guo mûcivi ûrîa mwîyovaga kîûnûrî, naguo ûthingu ta arî yo ngo yenyu ya kûgitîra kîthûri,

Akol 3:4

Ûtûûro wetû wa ma nî Kristû na rîrîa ke agaaûka rîngî gûkû nthî, wa namue nîmûkoonekana mûrî vamwe nake na mûrî na riiri ta wake.

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Ahib 10:35

Kwoguo mûtikaûrwe nî vinya nîûndû mwathiî na mbere na kûmîrîria, nîmûkaagîa na kîveo kînene.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Ahib 6:19

Ûndû ûcio twîthagîrwa twîrîgîrîrîte nîûtûmaga twîkarage tûkîgucaga tûrî agitîre. Kîîrîgîrîro kîu nî Kîam ma na kîrî vinya na nîgîtonyagîra gîtambaarî Kîam hekarû ya îgûrû gîgakinya ndaarî varîa vatheru.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 1:10

Arathi nîmaacaririe na magîtuîria na kîîo kîîngî mûno ûvoro wîgiî ûvonokio ûyû. Nîmaarathire îgûrû rîa ûvoro wîgiî kîveo gîkî kîrîa Ngai akaamûva.

1Pet 3:15

Nwatî ngororî cienyu vecagani Kristû gîtîîo kîrîa kîmwagîrîrîte ta Mwathani. Vîndî cionthe îthagîrwani mwîvarîrîtie gûcokeria mûndû wa wonthe ûrîa ûngîmûria mûmûtaarîrie ûvoro wîgiî mwîrîgîrîro ûrîa mûrî naguo.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

1Pet 5:12

Namwandîkîra maarûa îno nini ûguo ngîtethagîrîrua nî Silivano, ûrîa mbîcî nî mûkristiano wa tatue na nî mwîvokeku. Nîrenda kûmûmîrîria na nîmûrutîre ûira wakwa nîmwîre atî, ûyû nîguo wega wa ma wa Ngai. Îkaragani mwîkindîrîtie ndaarî yaguo.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.