1Pet 1:12 - ÎVUKU RÎA ÛVORO MWARO

¹² Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

1Pet 1:12 ပူးပေါင်းရင်းမြစ်များ

Ntha 25:20

Akerubi acio methîrwe maroranîtie o ene. Namo mathagu mao methîrwe mambararîte na magakunîkîra gîkunîko Kîam îthandûkû.

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Isaia 53:1

“Nû wetîkirie ûvoro ûrîa twegwire? Nû ûguûrîrîtue atî nî Ngai-Mûnene warutaga wîra ûcio?

Danieli 10:1

Mwaka wa kathatû Cairasi arî mûthamaki wa Perisi, Danieli, ûrîa watuîrîrwe rîîtwa Beliteshazaru, nîwaguûrîrue ndûmîrîri. Ndûmîrîri îo yarî ya ma, nwatî yarî nyûmû mûno, na ndîereekaga. Danieli nîwereithirue ûrîa ndûmîrîri îo yaugaga na njîra ya kîoneki.

Danieli 12:13

“ ‘Nawe Danieli, tuîka mwîvokeku nginya îvinda rîa mûthiia. We nîûgaakua, nwatî îvinda rîa mûthiia rîakinya nîûkaariûka na wamûkîre kîveo kîrîa wigîrîtwe.’ ”

Danieli 12:9

“Nake nîwanjokerie atîrî, ‘Danieli, ûthiî rîu, nîûndû nwanginya maûndû mama methîrwe marî nthitho nginya îvinda rîa mûthiia rîkinye.

Danieli 2:19

Ûtukû wa ûcio Ngai nîwaguûrîrie Danieli nthitho îo na njîra ya kîoneki. Nake nîwagoocire Ngai wa îgûrû,

Danieli 2:22

Ke nîaguûragia maûndû marîa mathithe; nîaicî maûndû marîa marî ndumarî, na ke mwene nî ûtheri.

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 8:13

Nînacokire ngîgua ûrîa mûtheru akîaria, nake wîngî mûtheru akîmûcokeria atîrî, ‘Maûndû mau monekete na njîra ya kîoneki gîkî mageekîka kavinda kegana atîa? Maûndû marîa macûku nîmatûûra mekagwa kavinda kegana atîa vandûrî va magongoona ma wa mûthenya? Mbûtû ya îgûrû na hekarû nîitûûra ikinyangagwa nginya rî?’

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Mathaayo 11:25

Kavinda kau Jesû nîwaugire atîrî, “Vava, Mwathani wa îgûrû na nthî! Nie nîragûcokeria ngatho nîûndû nîûthithîte maûndû mama andû arîa aûgî na amenyi na ûkamaguûria kûrî andû arîa matarî na ûmenyo.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 16:17

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 15:10

Nîramwîra atî, ûguo nwa guo araika a Ngai makenagîra mwîvia ûmwe ûrîa wîrirîte mevia make.”

Luka 2:26

Roho ûcio nîwamûmenyithîtie atî ke ndagaakua atonete Mesaya ûrîa weranîrîtwe nî Mwathani.

Luka 9:6

Nao arutwa acio nîmaaumire vau na makîthiî icagirî cionthe makîvunjagia Ûvoro Mwaro na makîvonagia arwaru a kûndû kuonthe.

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Ciîko 10:44

Rîrîa Petero aathiîcaga na mbere kwaria, Roho Mûtheru nîwanyûrûrûkîre arîa onthe maathikîrîrîtie ndûmîrîri îo.

Ciîko 16:10

Na rîrîa Paûlo aarîkirie kûgîa na kîoneki kîu, tue nîtwevarîrie wa rîo kûthiî Makedonia, nîûndû nîtwatwire ciira atî Ngai nîwatwîtîte tûvunjîrie andû arîa maarî kûu Ûvoro Mwaro.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Ciîko 4:8

Nake Petero ecûrîtwe nî Roho Mûtheru nîwamerire atîrî: “Mue anene a vûrûri na athuuri,

Ciîko 8:25

Rîrîa Petero na Johana marîkirie kûvecana ûira na kwanîrîra ndûmîrîri ya Mwathani, nîmaacokire Jerusalemu. Nao marî njîrarî nîmaavîtûkîrîre icagirî nyîngî cia Samaria, makîvunjagîria andû Ûvoro Mwaro.

Aroma 1:15

Kwoguo nînîriragîria mûno kûvunjia Ûvoro Mwaro wana kûrî mue arîa mûtûûraga Roma.

Aroma 1:17

Nîûndû Ûvoro Mwaro ûguûragia ûrîa Ngai atûmaga andû matuîke athingu; na njîra ya gwîtîkia kuuma Kîammbîrîria nginya mûthiia. Wata ûrîa kwandîkîtwe mandîkorî matheru atîrî, “Mûndû ûrîa mûthingu nîagaatûûra mwoyo nîûndû wa gwîtîkia.”

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

1Akor 2:10

Nwatî Ngai nîatûguûrîrîtie nthitho yake na njîra ya Roho wake. Roho atuîragia maûndû monthe wana nginyagia nthitho irîa ndikîru mûno cia Ngai.

2Akor 1:22

Ke nîwekîrire rûûri rwake kûrî tue rwa kwonania atî tûrî ake, na nîwekîrire Roho wake ngororî cietû wa gûtwonia nama kîrîa kîonthe atwigîrîte.

2Akor 6:6

Na njîra ya ûtheru wetû, ûmenyo, ûkirîrîria, kwîgucanîra ntha, nîtwîyonanîtie atî tûrî ndungata cia Ngai. Twîkîte ûguo na njîra ya Roho Mûtheru, wendani wetû wa ma, na

Agal 1:12

Ûvoro ûcio ndiawamûkîra kuuma kûrî mûndû kana ngîthomithua nî mûndû. Jesû Kristû ke mwene nîke wanguûrîrie ûvoro ûcio.

Agal 1:16

anguûrîrie Mûriû wake nîguo mvote kûvunjia ûvoro mwaro ûmwîgiî kûrî andû a ndûrîrî, navunjirie ndakûria gûtaarwa nî mûndû.

Aefeso 3:10

Na nîguo rîu na njîra ya kanitha athani na maavinya ma îgûrû mamenyithue ûrîa Ngai arî mûûgî maûndûrî monthe.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 11:13

Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.

Ahib 4:2

Nîûndû nîtwavunjîrue Ûvoro Mwaro wata ûrîa andû arîa maarî werûrî maavunjîrue. Nwatî ndûmîrîri îo meeguire ndîamatethia, nîûndû maamîamûkîre matarî na wîtîkio.

1Pet 1:25

nwatî kiugo Kîam Mwathani nîgîtûûraga tene na tene.” Kiugo gîkî nîguo Ûvoro Mwaro ûrîa wavunjirue kûrî mue.

1Pet 4:6

Kîu nîkîo gîatûmire Ûvoro Mwaro ûvunjue kûrî arîa akuû. Wana ethîrwa nîmaatuîrîrwe marî mwoyo ta ûrîa atucagîra andû arîa engî, Ûvoro Mwaro nîwavunjirue kûrî o nîguo mîtûûrîrerî yao ya kîîroho mekarage ta Ngai.

Kûguû 5:11

Nie nînaacokire ngîroria rîngî na ngîgua mîgambo ya Araika maarî ngiri nyîngî mûno. Araika acio maarûngamîte mathiûrûrûkîrîtie gîtî Kîam Ûthamaki, ciûmbe icio inya irî mwoyo, na athuuri.