Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1Pet 1:10 - ÎVUKU RÎA ÛVORO MWARO

10 Arathi nîmaacaririe na magîtuîria na kîîo kîîngî mûno ûvoro wîgiî ûvonokio ûyû. Nîmaarathire îgûrû rîa ûvoro wîgiî kîveo gîkî kîrîa Ngai akaamûva.

အခန်းကိုကြည့်ပါ။ ကော်ပီ




1Pet 1:10
24 ပူးပေါင်းရင်းမြစ်များ  

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.


ûcarie ta sîlûva na ûûcarie ta kîndû Kîam goro kîrî kîthithe;


Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.


Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.


Nîngainainia mavûrûri monthe, na nîguo mîthithû yonthe ya mavûrûri îkaaretwe gûkû, na nîngecûria hekarû îno ûthaka wayo, nînie Ngai-Mûnene mwene vinya wonthe nauga ûguo.


Mwîre Ngai-Mûnene mwene vinya wonthe augîte atî, ‘Ûyû nîke mûndû ûrîa wîtagwa Rûvûa. Nîagaatamba arî wa vau arî na atume rîngî hekarû ya Ngai-Mûnene.


Nie nîramwîra na ma atî, arathi eengî na andû eengî a Ngai nîmeendaga kwona maûndû marîa mue mwonaga nwatî matiamoona. Nîmeendaga kwîgua maûndû marîa mue mwîgucaga nwatî matiameegua.


Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”


Nie nîramwîra nama atî arathi eengî na athamaki nîmeendaga mûno kwona kîrîa mue mûrona nwatî matiakîona, na kwîgua kîrîa mue mûregua nwatî matiakîgua.”


Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”


Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.


Nao nîmaamûcokerie atîrî, “Anga wa nawe wî wa kuuma îtûûrarî rîa Galili? Tuîria waro Mandîkorî Matheru wone atî gûtirî mûrathi ûkaauma îtûûrarî rîa Galili.”


Arathi onthe nîmaarutire ûira wîgiî Jesû, na makiuga atî andû onthe arîa mamwîtîkîtie nîmakooverwa mevia mao na vinya wa rîîtwa rîake.”


Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.


Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.


Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.


Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.


nîûndû Ngai nîwathondekete mûvango wetû warî mwaro makîria. Wendi wa Ngai nî atî andû acio magaatuwa agîrîru tûrî vamwe nao.


Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.


Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ