Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1Pet 1:1 - ÎVUKU RÎA ÛVORO MWARO

1 Nie Petero mûtûmwa wa Jesû Kristû nîrandîkîra arîa mathuurîtwe nî Ngai, arîa matûûraga mathamîrîte na makanyagarûka mavûrûrirî ma Ponto, Galatia, Kapadokia, Asia na Bithînia.

အခန်းကိုကြည့်ပါ။ ကော်ပီ




1Pet 1:1
34 ပူးပေါင်းရင်းမြစ်များ  

Kwoguo Hamani nîwerire mûthamaki atîrî, “Kûrî andû a mûvîrîga mûna manyagarûkîrîte vûrûrirî waku wonthe na methagîrwa makîoneka icunjîrî cionthe cia wathani waku. Andû acio marî na mawatho ngûrani na marîa marûmagîrîrwa nî mavûrûri marîa mengî na matiathîkagîra watho wa mûthamaki, kwoguo gûtirî na vata wa kûmarekereria matûûre vûrûrirî waku.


Nîûtûmîte twîkare ta ng'ondu ithiîte kûthînjwa; na nîûtûnyaganîtie mavûrûrirî marîa mengî.


“Kûnarî ûguo, nîngaatûma andû amwe matigare marî mwoyo nîguo kûgîe na arîa makaavonoka kûragwa mbaararî, nao nîmakaanyaganîria mavûrûrirî mengî.


Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.


Namo mama nîmo marîîtwa ma atûmwa acio îkûmi na aîrî: Simoni (ûrîa wîtagwa Petero), na mûrwang'ina Enderea, na ariû a Zebedii, Jakuvu na mûrwang'ina Johana;


Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.


Na rîrîa Jesû aavîtûkîrîrîte rûtererî rwa îria rîa Galili, nîwonire ariû aîrî a ng'ina ûmwe magîtega nthamaki îriarî na neti, nîûndû ûcio nîguo warî wîra wao. Nao maarî, Simoni (ûrîa wîtagwa Petero) na mûrwang'ina Enderea.


Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?


na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.


Nao atongoria a Ayahudi nîmeeranire atîrî, “Ke arenda kûthiî kû kûu tue tûtakaamwona? Arenda kûthiî matûûrarî ma Angiriki kûrîa andû etû matûûraga nîguo akathomithie Angiriki?


Kûu nîkuo aatûnganire na Mûyahudi wetagwa Akuila waciarîrîtwe Pontasi. Nwatî Akuila marî na Pirisila, ûrîa warî mûndûmûka wake, methîrîtwe maauma Italia, nîûndû Mûthamaki Kilaudio nîwathanîte akauga Ayahudi onthe nwa nginya maume kûu Roma. Nake Paûlo nîwathiîre gûcerera Akuila na Pirisila,


Na vuva wa gwîkara kuo kwa îvinda rîîgana ûndû mûna, nîwaumire kuo na akîthiî avîtûkîrîrîte vûrûrirî wa Galatia na Furîgia akîûmagîrîria arutwa onthe.


kwa îvinda rîa mîaka îîrî. Na nîûndû wa ûguo, Ayahudi onthe na andû a ndûrîrî onthe arîa maarî kûu vûrûrirî wa Asia, nîmegwire kiugo Kîam Mwathani.


Nwatî andû amwe arîa maarî a îvoero rîrîa rîtagwa (rîa andû oovore) nîmaambîrîrie gûkararania nake. Amwe maaumîte Kurene na Alekisandiria. Nao engî maaumîte Kilikia na Asia.


Nao etîkia onthe arîa maanyagarûkire nîmaathiîre kûndû kuonthe makîvunjagia ûvoro mwaro.


Makanitha monthe ma vûrûri wa Asia nîmamûkethia. Akuila, Pirisila na kanitha ûrîa ûcemanagia kwao mûciî, nîwamûkethia na ngethi cia Ûkristiano.


Ariû na aarî a îthe wetû, tue nîtûkwenda mûmenye mathîna marîa twarî namo vûrûrirî wa Asia. Mîrigo îrîa tue twakuithîtue yarî mînene na mîrito nginya tûkîûrwa nî kîîrîgîrîro gîa ûtûûro.


Nie vamwe na ariû na aarî a îthe wetû onthe arîa marî gûkû, nîtwamûkethia mue andû a makanitha ma vûrûri wa Galatia.


Vîndî îo mûtiarî na Kristû. Mûtiarî a ngwatanîro ya andû arîa Ngai athuurîte na kwoguo mwarî ageni. Mûtiarî na vandû irîkanîrorî irîa ciaumanîte na ciîranîro cia Ngai kûrî andû ake. Mwatûûraga gûkû nthî îno mûtarî na mwîrîgîrîro na mûtarî na Ngai.


Kwoguo, mue andû a Ndûrîrî mûtirî ageni kana avîtûki rîngî, nwatî rîu nîmûtuîkîte kîndû kîmwe na andû a nyomba ya Ngai.


“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.


Nînîngîamathiririe onthe viû, mariganîre gûkû nthî.


Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.


Nîwîcî atî andû onthe vûrûrirî wa Asia nîmandiganîrîtie, amwe ao nî Fugelo na Herimogene.


Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.


Nie Jakuvu ndungata ya Ngai na ya Mwathani Jesû Kristû: Nînamûkethia mue muonthe andû a Ngai arîa mûnyagarûkîte nthî yonthe.


Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.


Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.


Naguo mûgambo ûcio waugire atîrî, “Andîka ûrîa ûrona na ûtûme îvuku rîu makanitharî marîa marî matûûrarî marîa mûgwanja. Namo nî: Efeso, Simurina, Perigamu, Thîatira, Saridi, Filadelifia, na Laodikia.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ