1Maû 9:31 - ÎVUKU RÎA ÛVORO MWARO

³¹ Nake Matithia mûvîcî wa Shalumi, îrikithathi rîa Mûlawi wa mbarî ya Kora nîke waveetwe wîra wa kûruga mîgate ya matega.

1Maû 9:31 ပူးပေါင်းရင်းမြစ်များ

Kîam 19:3

Loti nîwathiîre na mbere kûmaringîrîria na mûthiiarî nîmaathiîre nake gwake mûciî. Loti nîwathire ndungata ciake iruge mîgate îno îtarî mîkîre ndawa ya kwimbia. Mîgate yarîkia kûvîa, ageni nîmaarîre.

1Maû 23:29

Alawi acio nîmaaveetwe wîra wa kwigagîrîra mûgate ûrîa mwamûre metharî, mûtu wa matega ma irio, mîgate îrîa îtekîrîtwe ndawa ya kwimbia, gûtukania mûtu na maguta ma mûtamaiyû na kûrûtha mîgate ya matega, kûthima ithimi irîa ciagîrîrîte,

1Maû 9:17

Arangîri a hekarû aya mandîkîtwe maatûûraga Jerusalemu. Nao nî Shalumu, Akubu, Talimoni, na Ahimani na aa mûrwang'ina. Shalumu nîke warî mûtongoria wao.

1Maû 9:19

Shalumu mûvîcî wa Kore, mûvîcî wa Ebiasafu marî vamwe na andû ao a mbarî ya Kora nîo maarangagîra kîvingo gîa gûtonya îgemarî rîa Ngai-Mûnene rîa gûtûnganwa wata ûrîa methe mao ma tene wa nao maarangagîra kîvingo Kîam hekarû ya Ngai-Mûnene.

1Maû 9:22

Andû arîa maathuurîtwe marî arangîri a ivingo marî vamwe onthe maarî andû magana maîrî ma îkûmi na aîrî (212). Maandîkîtwe kûringana na njiarwa ciao icagirî irîa maatûûraga. Mûthamaki Daudi na mûrathi Samueli nîo maavete andû acio wîra nîûndû wa wîvokeku wao.

1Maû 9:26

Nwatî arangîri ana arîa meethagîrwa arî o anene maarî Alawi, na nîo maarî amenyereri a tûnyomba twa hekarû na indo irîa ciaigagwa kuo.

Alawi 2:5

Ethîrwa îtega rîaku nî mûgate ûrugîtwe na karaî, nwanginya ûkandwe na mûtu mûvinyu mûno ûtukanîtue na maguta ûtarî na ndawa ya kwimbia.

Alawi 2:7

Ethîrwa îtega rîaku nî mûgate ûrugîtwe na rûgîo, nwanginya wîthîrwe ûrî wa mûtu mûvinyu ûtukanîtue na maguta.

Alawi 6:14

“Mama nîmo mawatho megiî matega ma irio cia mûgûnda. Ûmwe wa athînjîri-Ngai a mbarî ya Aroni nîakaarutîra Ngai-Mûnene matega ma irio cia mûgûnda vau mbere ya metha ya kîgongoona.

Alawi 6:21

Mûtu ûcio nî ûgaatukanua na maguta, ûrugwe na karaî, wenyûrangwe ûcoke ûrutîrwe Ngai-Mûnene rîrî îtega rîa irio cia mûgûnda. Mûtararûko wa îtega rîu nîûkenagia Ngai-Mûnene.