1Maû 9:17 - ÎVUKU RÎA ÛVORO MWARO

¹⁷ Arangîri a hekarû aya mandîkîtwe maatûûraga Jerusalemu. Nao nî Shalumu, Akubu, Talimoni, na Ahimani na aa mûrwang'ina. Shalumu nîke warî mûtongoria wao.

1Maû 9:17 ပူးပေါင်းရင်းမြစ်များ

2Atha 7:10

Kwoguo nîmaaumire kûrîa andû a Sîria maambîte magema na magîcoka Samaria. Nîmeetire arangîri a kîvingo na makîmeera atîrî, “Tûthiîre kûrîa andû a Sîria mambîte magema na tûtinona kana twîgua wanarî mûndû kuo: Mbarathi na mvunda irarî nthaîke, namo magema mekariî wa ûrîa maatigirwe nî andû a Sîria.”

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

1Maû 9:16

Kwarî na Obadia mûvîcî wa Shemaia. Shemaia mûvîcî wa Galali, na Galali mûvîcî wa Jeduthuni, na Berekia mûvîcî wa Asa, Asa mûvîcî wa Elikana. Elikana aatûûraga gîcagirî Kîam Netofa.

1Maû 9:18

Arangîri aya kuuma mûvîrîgarî wa Alawi, nginya kavinda kau meekaragia kîvingo gîa gûtonya kwa mûthamaki kîrîa Kîamrî mwena wa îrathîro.

2Maû 8:14

Solomoni nîwarûthire mûvango wa wîra wa wa mûthenya wa athînjîri-Ngai na Alawi arîa maatethagia athînjîri-Ngai kwina na kûruta wîra wao kûringana na watho wa îthe Daudi. Nîwavangire arangîri a ivingo ikundi na akîmava wîra wa gwîkaragia ivingo cionthe wa mûthenya kûringana na ûrîa Daudi ndungata ya Ngai aathanîte.

Ezira 2:42

Arangîri a hekarû (njiarwa cia Sahalumu, Ateri, Talimoni, Akubu, Hatita, na Shobai) maarî andû îgana rîmwe rîa mîrongo îthatû na kenda (139).

Nehemia 11:19

Akubu, Talimoni na andû a nyomba yao maarî arangagîra a ivingo na onthe marî îgana rîmwe rîa mîrongo mûgwanja na aîrî (172).