1Maû 9:1 - ÎVUKU RÎA ÛVORO MWARO

¹ Andû onthe a Isiraeli nîmaandîkirwe mûtaratara wao kûringana na njiarwa ciao. Marîîtwa mao nîmaandîkirwe îvukuurî rîa athamaki a Isiraeli. Andû a Juda maavirîtwe îthamîriorî Babuloni nîûndû wa kûrega gûtuîka evokeku kûrî Ngai.

1Maû 9:1 ပူးပေါင်းရင်းမြစ်များ

1Atha 14:19

Maûndû marîa mengî monthe marîa Jeroboamu eekire, mbaara irîa aarûire na ûrîa aathanire, nîmandîke Îvukuurî rîa Maûndû ma Tene ma Athamaki a Isiraeli.

2Atha 24:14

Nebukadinezarû nîwathiîre na andû onthe a Jerusalemu marî mîgwate: nao maarî anene onthe na arûme onthe arîa maarî njamba. Onthe maarî andû ngiri îkûmi (10,000). Nîwathiîre na andû onthe arîa maarî na ûûgî wa kûruta wîra, na arîa maaturaga indo cia cuuma. Gûtirî mûndû watigirwe Juda tiga andû arîa maarî athîni.

2Atha 24:15

Nebukadinezarû nîwavirire Jehoiakini Babuloni vamwe na ng'ina, aka ake, ndungata ciake, na atongoria a vûrûri wa Juda, marî mîgwate.

2Atha 24:16

Mûthamaki wa Babuloni nîwanyitire andû onthe a vata na akîmavira Babuloni marî mîgwate. Onthe maarî andû ngiri mûgwanja (7,000) na andû ngiri îmwe (1,000) arîa maarî na ûûgî wa kûruta wîra, wana andû arîa maaturaga indo cia cuuma, na arûme onthe arîa maarî na vinya na agîrîru a kûrûa.

1Maû 8:40

Avîcî a Ulamu maarî njamba cia mbaara na andû a kûguîma. Aarî na avîcî engî, na ciana cia avîcî a avîcî ake eengî. Onthe maarî îgana rîa mîrongo îtano (150) na onthe maarî njiarwa cia Benjamini.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Ezira 2:1

Andû eengî arîa maarî îthamîriorî vûrûrirî wa Babuloni nîmaaumire kuo na magîcoka Jerusalemu na Juda, wa andû matûûrarî mao. Andû acio maatavîtwe nî Nebukadinezarû mûthamaki wa Babuloni.

Ezira 2:59

Andû maaumîte matûûrarî ma Teli-mela, Teli-harisha, Kerubi, Adani, na Imeri, wanao nîmaaumire îthamîriorî, nwatî andû acio matiavota kwonania atî o maarî njiarwa cia andû a Isiraeli.

Nehemia 11:1

Atongoria a andû a Isiraeli maatûûraga Jerusalemu. Nao andû acio engî nîmaaikirie mîtî nîguo mathuure mbarî îmwe gatagatî ka mbarî îkûmi arîa maarî mathiî gûtûûra Jerusalemu îtûûra rîtheru, nacio mbarî kenda itigwe matûûrarî mau mengî.

Nehemia 7:5

Ngai nîwacokire akîmvotithia kûgomanithia andû, atongoria vamwe na anene ao nîguo mandîkwe kûringana na njiarwa ciao. Nînoonire îvuku rîa njiarwa irîa ciaûkire kuuma îthamîriorî mbere, narîo rîandîkîtwe maûndû mama:

Nehemia 7:64

Nîmaacaririe marîîtwa mao mûtaratararî wa njiarwa cia andû ao nwatî mationeka. Kwoguo nîmaarutirwe gîkundirî Kîam athînjîri-Ngai na wîra wao wa ûthînjîri-Ngai ûgîtuîka tî mûtheru.

Isaia 3:2

Nîakûthengutia andû arîa njamba na athigari, atucanîri ciira na arathi, aragûri na athuuri,

Jeremia 13:19

Matûûra monthe ma Negebu nîmarigicîrie, gûtirî mûndû ûngîtonya kuo. Andû onthe a Juda nîatave makavirwa îthamîriorî.”

Jeremia 39:9

Nake Nebuzaradani na mûnene wa arangîri nîwocire andû acio engî maatigarire kûu îtûûrarî na arîa meevecanîte kûrî mûthamaki na makîmavira Babuloni marî mîgwate.

Danieli 1:2

Nake Mwathani nîwarekererie Jehoiakimu anyitwe nî Nebukadinezarû. Nebukadinezarû nîwocire indo imwe irîa ciarî hekarûrî ya Ngai. Mûthamaki Nebukadinezarû nîwacokire Babuloni vamwe na mîgwate na nîwaigire indo icio hekarûrî ya ngai ciake.