1Maû 5:22 - ÎVUKU RÎA ÛVORO MWARO

²² Nîmaaûragire andû a Hagiri eengî nîûndû nîmaatethagua mbaararî nî Ngai. Nao nîmaatûûrire vûrûrirî ûcio nginya rîrîa maavirirwe îthamîriorî.

1Maû 5:22 ပူးပေါင်းရင်းမြစ်များ

Kîam 49:19

“Gadi akaatharîkîrwa nî gîkundi gîa acunani, nwatî nîakaavinyûrania nao na amatharîkîre.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

1Maû 4:41

Andû acio mandîkîtwe marîîtwa mao, nîmaaûkire vûrûrirî ûyû vîndî îrîa Hezekia aarî mûthamaki wa Juda. Nao nîmaatharîkîre njiarwa cia Hamu na magîcûkangia magema mao na makîrûa na Meuni arîa maatûûraga kuo. Nîmaamavinyûririe na magîtûûra kuo nginya ûmûnthî nîûndû kwarî kûndû kwaro gwa kûrîthua.

1Maû 5:21

Nîmaatavire nyamû cia kûrîthua kuuma kûrî nthû ciao. Nacio ciarî: ngamîîra 50,000, ng'ondu 250,000 na mvunda 2,000 na andû 100,000 marî mîgwate.

1Maû 5:26

Kwoguo Ngai wa Isiraeli nîwatûmire Puli mûthamaki wa Asîria (na nîke wecîkene na rîîtwa rîngî Tigilathi Pileseri) atharîkîre vûrûri wao. Mûvîrîga wa Reubeni, Gadi na Manase ya mwena wa îrathîro nîmaatavirwe na makîvirwa îthamîriorî. Mûthamaki wa Asîria nîwamavirire Hala, Haboru, Hara na rûnjîrî rwa Gozani kûrîa matûûraga nginya ûmûnthî.

1Maû 6:26

Ino nîcio njiarwa cia Ahimothi. Ahimothi aarî îthe wa Elikana, Elikana aarî îthe wa Zofai, Zofai aarî îthe wa Nahathi.

2Maû 26:7

Ngai nîwamûvotithirie kûvoota Afilisiti na Arabu arîa maarî Guribaali na kûvoota Ameuni.

2Maû 32:8

Ke arî na vinya wa ûûmûndû tu, nwatî tue tûrî na Ngai-Mûnene, Ngai wetû wa gûtûtethia na gûtûrûîrîra.” Nao andû nîmaaûmîrîrue nî ciugo icio cia Hezekia, mûthamaki wa Juda.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Josh 23:10

Mûndû ûmwe gatagatîrî kenyu nwa atûme andû ngiri îmwe maûre nîûndû Ngai-Mûnene, Ngai wetû nîwatwîrire atî nîke ûgatûrûagîrîra.