1Maû 3:2 - ÎVUKU RÎA ÛVORO MWARO

² Wa kathatû aarî Abusalomu na ng'ina eetagwa Maaka mwarî wa Talimai mûthamaki wa Geshuri. Wa kana aarî Adonija na ng'ina etagwa Hagithi.

1Maû 3:2 ပူးပေါင်းရင်းမြစ်များ

2Sam 13:1

Abusalomu mûvîcî wa Daudi aarî na mwarwang'ina mûthaka mûno wetagwa Tamarû. Nake Amunoni, ûmwe wa anake a Daudi nîwendire Tamarû.

2Sam 13:38

Abusalomu nîwathiîre na agîkara Geshuri îvinda rîa mîaka îthatû

2Sam 14:23

Joabu nîwacokire akîthiî Geshuri na agîcokia Abusalomu Jerusalemu.

2Sam 14:32

Abusalomu nîwacokerie Joabu atîrî, “Nîûndû nîwaregire gûka vîndî îrîa naagûtûmanîre. Nendaga ûûke nîguo ngûtûme kûrî mûthamaki ûkamûrie atîrî, ‘Nîndûî gîatûmire nyume Geshuri mbûke gûkû? Kûngîarî waro makîria nîngîekarire wa kuo.’ Kwoguo nîrenda ûvange ûrîa nîngîvota kûonana na mûthamaki na ethîrwa nîrî na mavîtia, tiga mûthamaki ambûrage.”

2Sam 15:8

Vîndî îrîa naatûûraga Geshuri vûrûrirî wa Sîria, nînevîtire na rîîtwa rîa Ngai-Mûnene. Nînaugire, atî ethîrwa Ngai-Mûnene nîakanjokia Jerusalemu, nîngaamûgooca nîrî kûu Heburoni.”

2Sam 18:14

Joabu nîwaugire atîrî, “Ndigûtinda ngîta mathaa nawe rîngî.” Nîwacokire agîoca matumû mathatû, akîmaikia na makîmunda Abusalomu kîthûrirî acurîte vau mûtîrî wa mûvuru wa arî mwoyo.

2Sam 18:18

Vîndî îrîa Abusalomu aarî mwoyo, nîwatumîte kîndû kûu Kîamndarî Kîam mûthamaki Kîam gûtûma aririkanagwe. Eekîte ûguo nîûndû ndaarî na kaana ga kavîcî kangîatûmire rîîtwa rîake rîtikariganîre. Nîwagîtuîrîre rîîtwa rîake, na kwoguo kîndû kîu aatumire gîîtanagua na rîîtwa rîa Abusalomu nginya ûmûnthî.

2Sam 18:33

Mûthamaki nîwamakire mûno. Nîwathiîre nyombarî îrîa yarî îgûrû rîa kîvingo na akîrîrîra Abusalomu. Aathiîre akîrîraga akiugaga atîrî, “Wûi mûvîcîwa! Mûvîcîwa Abusalomu! Wûi Abusalomu mûvîcîwa! Naarî kethîrwa nînie nîrakuire vandûrî vaku, mûvîcîwa! Abusalomu mûvîcîwa!”

2Sam 3:3

nake wa kaîrî eetagwa Kileabu na ng'ina aarî Abigaeli, mûndûmûka ûrîa watigirwe nî Nabali akua. Abigaeli aarî wa kuuma Karimeli; wa kathatû eetagwa Abusalomu, mûvîcî wa Maaka mwarî wa Talimai, ûrîa warî mûthamaki wa Geshuri;

2Sam 3:4

wa kana eetagwa Adonija, mûvîcî wa Hagithi; wa gatano eetagwa Shefatia na ng'ina aarî Abitali;

1Atha 1:5

Adonija mûvîcî wa Daudi ûrîa maagîte na mûka Hagithi nîwambîrîrie gwîtîîa akiugaga atî nîke ûgaatuîka mûthamaki. Kwoguo nîwavarîrîrie ikaari cia mbarathi, athigari arîa mathiîcaga mekarîrîte mbarathi na arûme mîrongo îtano mathiî mbere yake makinaga.

1Atha 1:6

Îthe Daudi ndaarî aananegenia mûvîcî nîûndû wanarî ûrîkû, na nîwendaga mûno gûtuîka mûthamaki. Adonija nama aarî mwanake mûthaka mûno na nîke warûmîrîrîte Abusalomu.

1Atha 2:22

Mûthamaki Solomoni nîwacokerie ng'ina atîrî, “Ûrambûria nenganîre Abishagi, Mûshunemu kûrî Adonija nîkî? Ûguo nîta kûmbûria nîmûve ûthamaki wanaguo. Menya atî Adonija nî mûrwaiya ûrîa mûkûrû na mûthînjîri-Ngai Abiatharu, marî na Joabu mûvîcî wa Zeruia nîmamûnyitîte mbaru.”

1Maû 2:23

Nwatî mothamaki ma Geshuri na Aramu nîmaarûire na Jairi na makîîgwatîra matûûra mîrongo îtandatû, wa vamwe na icagi cia Jairi na Kenathi na matûûra marîa maarî vakuvî. Andû onthe arîa maatûûraga kûu maarî njiarwa cia Makiru, îthe wa Gileadi.

1Maû 3:1

Ûyû nîguo mûtaratara wa anake a Daudi arîa aaciarire arî Heburoni. Mûvîcî wa îrikithathi aarî Amunoni. Ng'ina aarî Ahinoamu kuuma Jezireeli. Wa kaîrî nî Danieli na ng'ina eetagwa Abigaeli kuuma Karimeli.

1Maû 3:3

Wa gatano aarî Shefatia, nake ng'ina etagwa Abitali. Wa gatandatû aarî Ithireamu, nake ng'ina etagwa Egila.

Josh 13:13

Kûnarî ûguo, andû a Isiraeli matiengata andû a Geshuri na andû a Maaka mavûrûrirî mao. Andû acio matûûraga vûrûrirî wa Isiraeli nginya ûmûnthî.