1Maû 3:19 - ÎVUKU RÎA ÛVORO MWARO

¹⁹ Pedaia aarî na avîcî aîrî: Zerubabeli na Shimei. Zerubabeli aarî îthe wa Meshulamu na Hanania, na mwîrîtu wetagwa Shelomithi.

1Maû 3:19 ပူးပေါင်းရင်းမြစ်များ

1Maû 3:18

Malikiramu, Pedaia, Shenazaru, Jekamia, Hoshama na Nedabia.

1Maû 3:20

Zerubabeli aarî na anake engî atano: Hashuba, Oheli, Berekia, Hasadia na Jushabuhesedi.

Ezira 2:2

Atongoria ao maarî Zerubabeli, Jeshua, Nehemia, Seraia, Reelaia, Moridekai Bilishani, Misipari, Bigivai, Rehumu na Baana. Nao andû a mîvîrîga ya Isiraeli arîa maacokire kuuma îthamîriorî maarî:

Ezira 3:2

Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.

Hagai 1:1

Mûthenya wa mbere wa mweri wa gatandatû mwaka wa kaîrî wa ûtongoria wa Dario mûthamaki wa Perisia, Ngai-Mûnene nîwavere mûrathi Hagai ndûmîrîri avirîre Zerubabeli mwana wa Shealitieli, mûnene wa Juda, na Joshua mûthînjîri-Ngai mûnene mwana wa Jehozadaki.

Hagai 2:2

Nîwerire Hagai arie na mûnene wa Juda na nîke Zerubabeli mûvîcî wa Shealitieli, Joshua mûvîcî wa Jehuzadaki mûthînjîri-Ngai mûnene na andû onthe arîa maacokire kuuma îthamîriorî ameere atîrî,

Hagai 2:4

Kûnarî ûguo, ndûgakue ngoro we Zerubabeli. Îyûmîrîrie we Joshua mûvîcî wa Jehozadaki mûthînjîri-Ngai mûnene. Îyûmîrîrieni mue andû onthe a vûrûri ûyû. Rutani wîra nîûndû nie Ngai-Mûnene mwene vinya wonthe nîrî namue.

Mathaayo 1:12

Vuva wa îthamîrio Babuloni, Jekonia aarî îthe wa Shealitieli, nake Shealitieli aarî îthe wa Zerubabeli.