1Maû 3:1 - ÎVUKU RÎA ÛVORO MWARO

¹ Ûyû nîguo mûtaratara wa anake a Daudi arîa aaciarire arî Heburoni. Mûvîcî wa îrikithathi aarî Amunoni. Ng'ina aarî Ahinoamu kuuma Jezireeli. Wa kaîrî nî Danieli na ng'ina eetagwa Abigaeli kuuma Karimeli.

1Maû 3:1 ပူးပေါင်းရင်းမြစ်များ

2Sam 13:1

Abusalomu mûvîcî wa Daudi aarî na mwarwang'ina mûthaka mûno wetagwa Tamarû. Nake Amunoni, ûmwe wa anake a Daudi nîwendire Tamarû.

2Sam 13:29

Kwoguo ndungata cia Abusalomu nîciekire wata ûrîa Abusalomu aaciathîte na nîciaûragire Aamoni. Nao anake acio engî onthe a mûthamaki Daudi nîmaatûîre mvunda ciao na makîûra.

2Sam 3:1

Mbaara nîyathiîre na mbere kavinda karaca gatagatîrî ka andû arîa maarî mwena wa Saûlo na arîa maarî mwena wa Daudi. Daudi na andû ake nîmaakîrîrîrie kûgîa vinya, nwatî Saûlo na andû ake magîkîrîrîria kûthira vinya.

2Sam 5:13

Daudi arîkia kuuma Heburoni, nîwathiîre Jerusalemu na akîvikia aka eengî. Nîwacokire akiga aka engî na nîwagîre anake na erîtu eengî.

1Maû 2:55

Nacio mbarî ino irûmîrîrîte ciarî cia andû maarî na ûûgî na wara wa kwandîka na gûkovia mandîko na ciatûûraga Jabezi. Mbarî icio ciarî Atirathi, Ashimeathi na Asukathi. Acio maaumîte kûrî Keni ûrîa warî wa kuuma Hamathi nyombarî ya Rekabu.

1Maû 28:5

Ngai-Mûnene nîwamvere anake eengî na gatagatîrî kao onthe nîwathuurire Solomoni ekarîre gîtî Kîam ûthamaki wa Ngai-Mûnene nîguo athamakîre Isiraeli.

1Maû 3:2

Wa kathatû aarî Abusalomu na ng'ina eetagwa Maaka mwarî wa Talimai mûthamaki wa Geshuri. Wa kana aarî Adonija na ng'ina etagwa Hagithi.

Josh 15:56

Jezireeli, Jokideamu, Zanoa,

1Sam 27:3

Daudi na andû ake nîmaatûûranirie na Akishi kûu Gathu. Na wa mûndû aarî na andû a mûciî wake. Daudi aarî na aka ake aîrî, Ahinoamu kuuma Jezireeli na Abigaeli wa kuuma Karimeli, ûrîa warî mûka wa ndigwa wa Nabali.