1Maû 29:9 - ÎVUKU RÎA ÛVORO MWARO

⁹ Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

1Maû 29:9 ပူးပေါင်းရင်းမြစ်များ

1Atha 8:61

Mue andû ake mûrotuîka evokeku kûrî Ngai-Mûnene, Ngai wetû vîndî cionthe, mûkîathîkagîra mawatho make na kûrûmîrîra irîra cia watho wake wata ûrîa mwîkaga nginya rîu.”

2Atha 12:5

Wa mûthînjîri-Ngai akaamenyagîrîra mbeca irîa ikarutagwa nî andû arîa atungataga, na mbeca icio igaatûmagîrwa gûtuma rîngî hekarû kûrîa gûkwoneka kûrî na vata wa gûtumwa.”

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

2Maû 17:16

wa kathatû aarî Amazia mûvîcî wa Zikiri, arî mûnene wa athigari njamba a mbaara ngiri magana maîrî (200,000). Amazia eevecanîte gûtungatîra Ngai-Mûnene na njîra ya kwîyendera.

2Maû 24:10

Anene onthe na andû onthe nîmaakenire na nîmaaretire gooti yao na magîkîra kathandûkûrî nginya gagîcûra.

2Maû 31:8

Rîrîa mûthamaki Hezekia marî na anene ake maaûkire na makîona irûndo icio, nîmaakumirie Ngai-Mûnene na magîkumia andû ake, Isiraeli.

Ezira 1:6

Andû onthe arîa maariganîtie nao nîmaamavere ûtethio wa indo cia sîlûva na thaavu, na indo ciîngî nyîngî, na nyamû irîa irîthagua na indo cia goro, vamwe na indo cia matega cia hekarû.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Ntha 35:29

Andû onthe a Isiraeli arîa maarî na wendi wa kûvecana nîmaarutire matega ma Ngai-Mûnene nîûndû wa wîra wonthe ûrîa Ngai-Mûnene aathanîte na njîra ya Musa ûrutwe.

Luka 15:6

na akamîkuua amîcoketie na mûciî. Na akinya mûciî, nîwîtaga arata ake wa vamwe na andû arîa maatûûranîrîte nake na akameera atîrî, ‘Ûkani tûkenanîre nîûndû nîrîmwonu ng'ondu yakwa îrîa îraûrîte!’

Johana 15:11

“Nie namwîra maûndû mama nîguo mûgîe na gîkeno ta kîrîa nîrî nakîo na mûgîe na gîkeno gîcûru.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

2Akor 8:3

Nie nwa nîmwîre na ma atî nîmaavecanire kûringana na ûvoti wao, wana makîria ya ûvoti wao. Na njîra ya wendi wao

Afil 4:1

Ariû na aarî a îthe wetû, nie nînîmwendete na nînîriragîria mûno kûmwona. Nîmûngenagia mûno na mûgatûma nîtîîe nîûndû wenyu. Kwoguo arata akwa nîmwagîrîrwe nî gwîkindîria mûtûûrîrerî wenyu, mûrî ndaarî ya Mwathani.

Afil 4:10

Nîrî na gîkeno mûno nîrî ndaarî ya Mwathani, nîûndû vuva wa kavinda karaca nîmûgîte na kanya ga kûnîîciria. Ndirauga atî kûrî vîndî mwariganîrîtwe nî nie, nwatî mûtiagîa na kanya ga kwonania atî nîmûranîciria.

Atir 5:9

Ngoro yakwa yerekerete atongoria a Isiraeli, arîa meerutîre makenete gatagatîrî ka andû. Ngai-Mûnene arokumua!