1Maû 29:6 - ÎVUKU RÎA ÛVORO MWARO

⁶ Atongoria a mbarî, anene a mîvîrîga, anene a athigari ngiri a mbaara, magana na arûngamîrîri a wîra wa mûthamaki nîmaarutire indo ciao na njîra ya kwîyendera.

1Maû 29:6 ပူးပေါင်းရင်းမြစ်များ

2Atha 12:5

Wa mûthînjîri-Ngai akaamenyagîrîra mbeca irîa ikarutagwa nî andû arîa atungataga, na mbeca icio igaatûmagîrwa gûtuma rîngî hekarû kûrîa gûkwoneka kûrî na vata wa gûtumwa.”

1Maû 27:25

Mama marûmîrîrîte nî marîîtwa ma andû arîa maamenyagîrîra ûtonga wa mûthamaki: Azamavethi mûvîcî wa Adieli aarî mûnene wa nyomba irîa ciaigagwa indo cia mûthamaki. Jonathani mûvîcî wa Uzia aarî mûnene wa nyomba cia kwigwa indo vûrûrirî, matûûrarî, icagirî na nyomba cia îgûrû.

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

1Maû 29:5

na cia indo cia thaavu na cia sîlûva irîa ikaarûthwa nî andû arîa marî wara wa kûirûtha. Rîu nîûrîkû wîvarîrîtie kwîvecana kûrî Ngai-Mûnene arute indo ciake ûmûnthî na njîra ya kwîyendera?”

2Maû 35:8

Anene ake wa nao nîmaarutire iveo ciao kûrî andû, athînjîri-Ngai na Alawi na njîra ya kwîyendera. Hilikia, Zakaria na Jehieli, arîa maarî arûngamîrîri a hekarû, nîmaaveere athînjîri-Ngai twori na tûtûrûme ngiri igîrî na magana matandatû (2,600), ndegwa magana mathatû (300) irî matega ma pasaka.

Ezira 7:16

Thaavu na sîlûva cionthe irîa ûkaaûngania vûrûrirî wa Babuloni nîûkaathiî nacio. Wana indo irîa andû a Isiraeli na athînjîri-Ngai makaaruta nîûndû wa hekarû îrîa îrî Jerusalemu ya Ngai wao.

2Akor 9:7

Mûndû nîwagîrîrwe nî kûvecana wata ûrîa ke atuîte kûvecana. Na mûndû ndakavecane takwa akûringîrîrua, nîûndû Ngai nî akenagua nî ûrîa ûvecanaga akenete.