1Maû 29:25 - ÎVUKU RÎA ÛVORO MWARO

²⁵ Ngai-Mûnene nîwatûmire Solomoni avewa gîtîîo mûno nî andû onthe a Isiraeli, na agîtûma agîa ngumo mûno gûkîra athamaki arîa maarî mbere yake vûrûrirî wa Isiraeli.

1Maû 29:25 ပူးပေါင်းရင်းမြစ်များ

1Atha 1:37

Ngai-Mûnene aroethagîrwa arî na Solomoni wata ûrîa arethagîrwa arî na mwathi wakwa. Ngai-Mûnene arotûma ûthamaki wa Solomoni ûvua wana gûkîra waku.”

1Atha 3:12

rîu nîngûkûva kîu wavoya. Nîngûva ûûgî mwîngî na ûmenyo, ûrîa ûtaanethîrwa ûrî na mûndû wîngî kana ûkeethîrwa ûrî na mûndû wîngî vuva waku.

1Atha 3:13

Nîngûva wana kîrîa ûtanavoya. Nîngûkûva ûtonga na gîtîîo ûtûûrorî waku wonthe, na gûtikethîrwa kûrî na mûthamaki wîngî tawe.

1Maû 29:24

Anene onthe, andû arîa maarî vinya na andû onthe a mûthamaki Daudi nîmeranîre atî makaathîkagîra mûthamaki Solomoni.

2Maû 1:1

Solomoni, mûvîcî wa mûthamaki Daudi nî watuîkire mûthamaki wîkindîrîtie ûthamakirî wake. Nake Ngai-Mûnene, Ngai wake nî wamûrathimire na agîtûma agîa na vinya mûno.

2Maû 1:12

Kwoguo nînakûva ûûgî na ûmenyo. Na nîngûkûva indo, ûtonga, na gîtîîo gûkîra mûthamaki wa wonthe wa arîa maarî mbere yaku kana arîa magaaûka vuva waku.”

Ayubu 7:17

Mûndû nû nîguo ûrûmbûyanagie nake? Ûtindaga ûkîîthînia nîke nîkî?

Mûvunjia 2:9

Kwoguo nînagîre na ngumo nene gûkîra andû onthe arîa maatûûraga Jerusalemu mbere yakwa, na nekire maûndû monthe nîrî na ûûgî.

Ciîko 19:17

Nao Ayahudi onthe na andû a ndûrîrî onthe arîa maatûûraga kûu Efeso nîmegwire ûvoro ûcio, magîcûrwa nî guoya na magîkumia rîîtwa rîa Mwathani Jesû.

Ahib 2:9

Nwatî twonaga Jesû ûrîa gwa kavinda kanini watuirwe mûnini gûkîra araika, nîguo na njîra ya wega wa Ngai akue nîûndû wa andû onthe. Na rîu tûmwonaga ekîrîte nthûmbî îrî na riiri na gîtîîo nîûndû wa ûrîa aathînirue na agîkua.

Josh 3:7

Nake Ngai-Mûnene nîwerire Joshua atîrî, “Ûmûnthî ûndû ûrîa ngwîka nî wa gûtûma ûneneve methorî ma andû onthe a Isiraeli, nîguo mamenye atî ngethagîrwa nîrî nawe ta ûrîa nethagîrwa nîrî na Musa.

Josh 4:14

Mûthenya ûcio Ngai-Mûnene nîwekire ûndû wa gûtûma Joshua aneneve methorî ma andû onthe a Isiraeli. Nao nîmeekarire makîmûvecaga gîtîîo ûtûûrorî wake wonthe wata ûrîa mavecaga Musa.