1Maû 29:24 - ÎVUKU RÎA ÛVORO MWARO

²⁴ Anene onthe, andû arîa maarî vinya na andû onthe a mûthamaki Daudi nîmeranîre atî makaathîkagîra mûthamaki Solomoni.

1Maû 29:24 ပူးပေါင်းရင်းမြစ်များ

Kîam 24:2

Iburahimu nîwetire ndungata yake îrîa yamenyagîrîra indo ciake cionthe na akîmîra atîrî, “Iga njara ciaku gatagatî ga ciaû ciakwa.

Kîam 47:29

Kavinda ka Jakovu gûkua gakûvîvîria, nîwetire mûvîcî Josefu na akîmwîra atîrî, “Ethîrwa nie nîmbîtîkîrîkîte nîwe, tonyia njara ciaku gatagatî ga ciaû ciakwa na wîranîre nama atî ndûkanthika Misiri.

1Maû 22:17

Daudi nîwathire atongoria onthe a Isiraeli matethie mûvîcî Solomoni. Aamerire atîrî,

1Maû 28:21

Athînjîri-Ngai na Alawi nîagaîre wîra wa gûtungata hekarûrî. Aruti wîra arîa marî na wara wa mawîra ma mîthemba yonthe nîmevarîrîtie gûgûtethia kûruta wîra. Anene na andû onthe magaakwathîkîra.”

1Maû 29:23

Kwoguo Solomoni nîwekarîre gîtî Kîam ûthamaki wa Ngai-Mûnene na agîtuîka mûthamaki vuva wa îthe Daudi. Ûthamaki wake nîwevandire na andû onthe a Isiraeli nîmaamwathîkagîra.

1Maû 29:25

Ngai-Mûnene nîwatûmire Solomoni avewa gîtîîo mûno nî andû onthe a Isiraeli, na agîtûma agîa ngumo mûno gûkîra athamaki arîa maarî mbere yake vûrûrirî wa Isiraeli.

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Ezek 17:18

Ke ndakaavonoka nîûndû nîwanyararire mwîvîtwa ûrîa eevîtire na akiuna kîrîkanîro kîrîa maarîkanîre na akîandîka agîkîra ûira.”