1Maû 29:12 - ÎVUKU RÎA ÛVORO MWARO

¹² Ûtonga na gîtîîo ciumaga kûrî we, nîûndû we nîwe mwathi wa indo cionthe. We ûrî na vinya na ûvoti wa gûtûma mûndû atuîke mûnene na ûrî vinya.

1Maû 29:12 ပူးပေါင်းရင်းမြစ်များ

1Maû 29:13

Rîu, Ngai wetû, nîtûgûgûcokeria ngatho na nîtûgûkumia rîîtwa rîaku rîrîa rîrî riiri.

2Maû 1:12

Kwoguo nînakûva ûûgî na ûmenyo. Na nîngûkûva indo, ûtonga, na gîtîîo gûkîra mûthamaki wa wonthe wa arîa maarî mbere yaku kana arîa magaaûka vuva waku.”

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

2Maû 32:29

Hezekia nîwatumire matûûra meengî na akîgîa na ndîthia nyîngî ya ng'ombe na ng'ondu nîûndû Ngai nîwamûrathimîte na indo nyîngî mûno.

Ayubu 42:10

Ayubu arîkia kûvoera arata ake, Ngai-Mûnene nîwamûcokerie indo ciake cionthe maita maîrî ma ûrîa ciegana mbere.

Ayubu 9:19

Wana ethîrwa nî kûvirana îgootirî, nû ûngîmûthitanga, ethîrwa nî kûvirana îgootirî, nû ûngîmwîta?

Thaburi 103:19

Ngai-Mûnene nîaigîte gîtî gîake Kîam ûthamaki kûu îgûrû, ke nî mûthamaki wa indo cionthe.

Thaburi 28:8

Ngai-Mûnene nîagitagîra andû ake, nîagitagîra na akavonokia mûthamaki ûrîa athuurîte.

Thaburi 29:1

Vani Ngai-Mûnene gîtîîo, mue ciûmbe cia îgûrû, vani rîîtwa rîake vinya na riiri.

Thaburi 29:11

Ngai-Mûnene arovecaga andû ake vinya! na arorathima andû ake na amave thayû.

Thaburi 62:11

Nîmbîguîte mavinda meengî Ngai akiuga atî ûvoti nî wake,

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Nthi 8:18

Nînie mvecanaga ûtonga na gîtîîo, ûtonga ûrîa ûtathiraga na ûthiî wa na mbere.

Mûvunjia 5:19

Mûndû angîvewa ûtonga na indo nyîngî nî Ngai na agîe na ûvoti wa gwîkenia nacio, nî agîrîrwe nî gûcokia ngatho na akenerere indo irîa arutîrîte wîra. Kîu nî kîveo kuuma kûrî Ngai.

Isaia 40:29

Nîavecanaga vinya kûrî arîa athiru vinya, nake ûrîa ûtarî na ûvoti nîamwongagîrîra vinya.

Isaia 43:13

Nie nînie Ngai na nîndûûra nîrî Ngai. Gûtirî mûndû wanarî ûmwe ûngîîvonokia kuuma njararî ciakwa; gûtirî mûndû ûngîndigîrîria ngîruta wîra wakwa.”

Isaia 45:24

“Vîndî îo nîgûkeerwa îgûrû rîakwa atî: Ûthingu na vinya cionekaga kûrî Ngai-Mûnene; andû arîa onthe maamûrakarîrîte, nîmagaaûka kûrî ke na maconoke.”

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Danieli 2:20

na akiuga atîrî, “Rîîtwa rîa Ngai rîrorathimwa tene na tene! Ke nî mûûgî na arî vinya.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

Aefeso 3:16

Mvoyaga Ngai atî kuuma kûrî ûtonga wa riiri wake amûvecaga vinya nyîngî ndarî yenyu na njîra ya Roho wake.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

Afil 4:13

Nwambîke maûndû monthe na njîra ya ûrîa ûmvecaga vinya.

Akol 1:11

Ngai aromûvotithia kûgîa na vinya îrîa yumanaga na ûvoti wa riiri wake, nîguo mûvote kûmîrîria maûndû monthe mûkirîrîtie na mûrî na gîkeno.

Josh 4:24

Kwoguo andû onthe a nthî nwa mamenye ûrîa Ngai-Mûnene arî vinya mûnene, na andû nîmagîrîrwe nî kûmûvecaga gîtîîo vîndî cionthe.”

Kûguû 11:17

makiugaga atîrî: “Tue nîtûracokia ngatho kûrî we, Mwathani Ngai mwene vinya wonthe, Ûrîa Ûrî kuo na warî kuo! Nîûndû we nîwonanîtie vinya waku mûnene na ûkambîrîria kwathana!