1Maû 29:1 - ÎVUKU RÎA ÛVORO MWARO

¹ Mûthamaki Daudi nîwacokire akîra andû onthe arîa maagomanîte atîrî, “Mûvîcîwa Solomoni ûrîa Ngai athuurîte, nî mûndû mwîthî na ndarî na kîrîra kîîngî na wîra nî mûnene nîûndû nyomba îno tî ya mûndû, nwatî nî hekarû ya Ngai-Mûnene, Ngai.

1Maû 29:1 ပူးပေါင်းရင်းမြစ်များ

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

1Atha 1:20

Mwathi wakwa, andû onthe a Isiraeli meetererete ûmeere nîûrîkû ûgaatuîka mûthamaki vuva waku.

1Atha 3:7

Na rîu Ngai-Mûnene, Ngai wakwa, nîûmvotithîtie gûtuîka mûthamaki vuva wa vava Daudi, wana ethîrwa ndirî mûkûrû na ndiîcî kwathana.

1Maû 22:2

Daudi nîwavecanire watho atî ageni arîa onthe matûûraga vûrûrirî wa Isiraeli magomane vamwe. Nîwavere amwe wîra wa kumia mathiga ma gûtuma hekarû ya Ngai.

1Maû 22:5

Daudi nîwaugire atîrî, “hekarû îrîa mûvîcîwa Solomoni agaatumîra Ngai-Mûnene îkethîrwa îrî nene na nthaka na îkaagîa ngumo nthî yonthe. Nwatî ke nî mwîthî na tîmûmenyu maûndû marîa agîrîrwe nî kûmenya, kwoguo nînie ngûvarîria gûtumwa kwayo.” Nake Daudi nîwaûnganirie indo nyîngî mûno cia gûtuma hekarû mbere ya akua.

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

1Maû 28:10

Nwanginya ûmenya atî Ngai-Mûnene nî akûthuurîte ûmûtumîre hekarû ntheru. Gîa na vinya ûrute wîra ûcio.”

1Maû 28:8

“Kwoguo, andû akwa mûrî mbere ya Ngai na ûngano wonthe wa andû a Isiraeli andû a Ngai-Mûnene nîramwîra mwathîkagîre waro maathani monthe ma Ngai-Mûnene, Ngai wenyu. Na mweka ûguo nîmûkûthiî na mbere kwîgwatîra vûrûri ûyû mwaro na nîmûgaaûtigîra njiarwa cienyu rîrî îgai rîao tene na tene.”

1Maû 29:19

Îkîra ngororî ya mûvîcîwa Solomoni wendi wa gûtûûra avingagia maathani maku, kîrîra na watho waku nîguo avote gûtuma nyomba îrîa mvarîrîtie.”

2Maû 1:2

Mûthamaki Solomoni nîwetire anene onthe a athigari arîa maarûngamagîrîra athigari ngiri îmwe, magana, na anene, atongoria onthe a Isiraeli na atongoria a mbarî cionthe cia mîvîrîga ya Isiraeli.

2Maû 13:7

Vuvarî nîwagomanirie varî ke andû aganu na mataarî kîene na makîringîrîria Rehoboamu mûvîcî wa Solomoni eke ûrîa meendaga rîrîa Rehoboamu aarî mûndû mwîthî na atangîavotire kûmetirîria.

Nthi 4:3

Rîrîa naarî kamwana kanini ka vava, kaana karîa kendeetwe mûno nî nyanya,

Jeremia 30:18

Ngai-Mûnene arauga atîrî, “Nîngacokia andû a Jakovu vûrûrirî wao, na mbîguîre mîciî yao ntha. Îtûûra rîa Jerusalemu nîrîgaatumwa rîngî, na mûciî wa mûthamaki nîûvande varîa warî.