1Maû 28:9 - ÎVUKU RÎA ÛVORO MWARO

⁹ Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

1Maû 28:9 ပူးပေါင်းရင်းမြစ်များ

Kîam 28:13

Nake Ngai-Mûnene nîwarûngamaga vakuvî nake akamwîra atîrî, “Nînie Ngai-Mûnene, Ngai wa Iburahimu na Isaka. We wa vamwe na njiarwa ciaku, nîngaamûva vûrûri ûyû ûmamîte.

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

1Atha 8:39

nakûthaitha ûkaathikîrîria mavoya mao ûrî kûu ûtûûraga îgûrû, ûkaamovera na ûmatethie. Na nîûndû we wenga nîwe wîcî ngoro ya mûndû, îka wa mûndû kûringana na ûrîa ûkoona kwagîrîrîte,

1Atha 8:43

nakûthaitha ûkaamûthikîrîria ûrî îgûrû kûrîa ûtûûraga na ûkaamûvingîria ûrîa agaakûûria, nîguo andû onthe a gûkû nthî makûmenye na makwathîkîre ta ûrîa andû aku a Isiraeli mekaga. Nîmagaacoka mamenye atî nyomba îno ndumîte îtanîtue na rîîtwa rîaku.

1Atha 8:61

Mue andû ake mûrotuîka evokeku kûrî Ngai-Mûnene, Ngai wetû vîndî cionthe, mûkîathîkagîra mawatho make na kûrûmîrîra irîra cia watho wake wata ûrîa mwîkaga nginya rîu.”

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

2Atha 21:22

Nîwatiganîrie Ngai-Mûnene, Ngai wa methe make, na akîrega kûrûmîrîra maathani ma Ngai-Mûnene.

2Atha 22:2

Josia nîwekire maûndû monthe marîa maakenagia Ngai-Mûnene: nîwarûmîrîre mîthiîre ya îthe Daudi, na nîwavingagia mawatho monthe ma Ngai akindîrîtie.

1Maû 22:19

Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

1Maû 28:8

“Kwoguo, andû akwa mûrî mbere ya Ngai na ûngano wonthe wa andû a Isiraeli andû a Ngai-Mûnene nîramwîra mwathîkagîre waro maathani monthe ma Ngai-Mûnene, Ngai wenyu. Na mweka ûguo nîmûkûthiî na mbere kwîgwatîra vûrûri ûyû mwaro na nîmûgaaûtigîra njiarwa cienyu rîrî îgai rîao tene na tene.”

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

2Maû 12:5

Mûrathi Shemaia nîwathiîre kûrî mûthamaki Rehoboamu na atongoria a Juda arîa maagomanîte Jerusalemu nîguo maûre kuuma kûrî Shishaki na akîmera atîrî, “Ngai-Mûnene augîte atî ‘Nîmûndiganîrîtie, kwoguo nanie nînîmûtiganîrîtie njararî cia Shishaki.’ ”

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 6:30

ûkegua mavoya mao ûrî kûu îgûrû. Ûcoke ûmovere nîûndû we, nîwe wicî ngoro cia andû. Ûgeeka kûringana na ûrîa wa mûndû agîrîrwe

Ezira 8:22

Nînegwire nthoni cia kwîra mûthamaki atûnengere athigari a mbarathi a gûtûgitîra kuuma kûrî nthû tûrî rûgendorî rwetû. Neguire nthoni nîûndû nînamwîrîte atî Ngai nîarathimaga mûndû wa wonthe ûrîa ûmwîtîkîtie, nwatî ndakenagua nî arîa mamûtiganagîria na nî amaverithagia.

Thaburi 101:2

Nîngwîmenyerera ndûûre ndarî na ûcuke. Ûgaaûka kûrî nie rî? Nîngûtûûra nyombarî yakwa nîrî na ngoro ntheru,

Thaburi 139:2

Nîûmenyaga rîrîa ngwîkara nthî na rîrîa ngûkîra, nîûmenyaga meciria makwa ûrî kûraca.

Thaburi 17:3

We nîwicî ngoro yakwa, nîûkîte kûrî nie ûtukû, nîûnduîrîtie waro viû, na ûkamenya atî ndiaragia maûndû macûku.

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 7:10

Ngai nîke ûngitagîra, na nîavonokagia arîa mamwathîkagîra.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Thaburi 89:26

Daudi nîakaambîra atî, ‘We nîwe vava, Ngai wakwa, Îthiga rîa ûvonokio wakwa.’

Thaburi 89:38

Nwatî rîu we Ngai wî mûrakaru nî mûthamaki ûrîa ûthuurîte, nîûmûtiganîrîtie na nîûmûregete.

Thaburi 9:10

Arîa maicî rîîtwa rîaku nîmakwîvokete, nîûndû we Ngai-Mûnene ndûtiganagîria arîa magûcaragia.

Ntha 15:2

Ngai-Mûnene nîke mûngitîri ûrîa ûrî vinya, nîke ûmvonoketie. Nîke Ngai wakwa, na ngaamûkumagia, Ngai wa vava, na ngaainaga ngîgwetaga ûnene wake.

Ntha 3:16

Thiî ûnganie atongoria onthe a andû a Isiraeli vamwe na ûmere atî, Ngai-Mûnene, Ngai wa methe menyu, Ngai wa Iburahimu, Isaka na Jakovu nî arakuumîrîre. Meere nîmonete ûrîa andû a Misiri marameka,

Nthi 17:3

Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Nthi 3:6

Ririkanaga Ngai-Mûnene maûndûrî maku monthe, nake nîakaarûngaria njîra ciaku.

Nthi 4:4

vava nîwanthomithagia akambîra atîrî, “Igaga na kinyi maûndû marîa nîrakûthomithia ngororî yaku; vingagia maathani makwa, na nîûgûtûûra mwoyo.

Isaia 1:28

Nwatî arîa mareganaga nake vamwe na evia nîmagacûkangua; na andû arîa mamûtiganagîria nîmakaaûragwa.

Isaia 38:3

na akiuga atîrî, “Ûûi Ngai-Mûnene, nakûthaitha ûririkane ûrîa mbîthîrîtwe nîrî mwîvokeku kûrî we na ngoro yonthe, na ngîkaga maûndû marîa wonaga marî maro.” Na Hezekia nîwarîrire arî na ûrûrû mwîngî mûno.

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Jeremia 11:20

Nwatî we Ngai-Mûnene mwene vinya wonthe, ûrîa ûtucanagîra na kîvooto, we ûthimaga ngoro na meciria ma andû, tiga mone ûkîndîvîrîria kûrî andû aya, nîûndû nîwe tu ûngîtua cira wakwa.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 20:12

We Ngai-Mûnene mwene vinya wonthe, we ûthimaga andû arîa athingu, we wonaga ngoro na meciria ma andû, ndethia mone ûkîndîvîrîria kûrî nthû ciakwa, nîûndû mbigîte mwîvoko wakwa kûrî we.

Jeremia 22:16

Nîwonanagia kîvooto kûrî ngîa na athîni, maûndû make nîmaagagîra. Gwîka ûguo nîkuo kûmenya Ngai-Mûnene.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 29:13

Nîmûkaanjaria na mûmone, rîrîa mûkanjaria na ngoro yenyu yonthe,

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Ezek 11:5

Nînacokire ngîcûrwa nî Roho wa Ngai-Mûnene, na akîmbîra ngeere andû a Isiraeli Ngai-Mûnene augîte atîrî, “Ûguo nîguo mugaga mue nyomba ya Isiraeli, nîûndû nîmbicî meciria menyu.

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 2:25

Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Johana 4:24

Ngai nî Roho, na arîa mamûgoocaga mamûgoocage na Roho na ûûma.”

Johana 8:55

Mue mûtianamûmenya, nwatî nie nînîmwîcî. Angîthîrwa nwa mbuge ndimwîcî, nîngîthîrwa nîrî mûthaani wa tamue. Nwatî nie nînîmwîcî na nîmbathîkagîra kiugo gîake.

Ciîko 1:24

Nao nîmavoire makiugaga atîrî, “Mwathani we nîwîcî meciria ma andû onthe, ta twonie gatagatîrî ka andû aya aîrî ûrîa we ûthuurîte

Ciîko 17:23

Vîndî îrîa nie nîracerangaga îtûûrarî rîîrî rîenyu na ngîroria kûrîa mue mûgoocagîra, nînîrethîre metha ya kûrutîra kîgongoona yandîkîtwe atîrî, ‘Kûrî Ngai ûrîa Ûtaicîkene’. Na kwoguo, ngai ûcio mue mûgoocaga wana mûtamwicî, nîke Ngai ûrîa nie nîravunjia ûvoro wake kûrî mue.

Ciîko 17:30

Ngai nîatuîte atî ke ndagûtara mavinda marîa andû mataamwicî. Nwatî rîu ke nîwathaga andû onthe arîa marî kûndû kuonthe merire,

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

2Akor 9:7

Mûndû nîwagîrîrwe nî kûvecana wata ûrîa ke atuîte kûvecana. Na mûndû ndakavecane takwa akûringîrîrua, nîûndû Ngai nî akenagua nî ûrîa ûvecanaga akenete.

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 31:21

Nîmakaanyitwa nî mîthiro mîîngî na mathîna. Nwatî rwîmbo rûrû rûkaainagwa nî andû a Isiraeli rûrî ûira kûrî o, na njiarwa ciao itikaariganîrwa nî ruo. Nie nîmbicî meciria mao wana mbere ya nîmavira vûrûrirî ûrîa nameerîre na mwîvîtwa atî nîngaamava.”

Gûco 4:35

Mwonirue maûndû mau nîguo mûmenye atî Ngai-Mûnene nî Ngai, na gûtirî wîngî tiga Ke.

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

1Sam 12:20

Samueli nîwerire andû acio atîrî, “Tigani kûmaka, wana ethîrwa nîmwîkîte wîvia wa mûthemba ûcio, mûtigatiganîrie Ngai-Mûnene, nwatî mûmûtungatîreni na ngoro yonthe.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”