1Maû 28:4 - ÎVUKU RÎA ÛVORO MWARO

⁴ Kûnarî ûguo, Ngai-Mûnene, Ngai wa Isiraeli nîwanthuurire kuuma kûrî nyomba ya vava nduîke mûthamaki wa Isiraeli nginya tene na tene. Nîwathuurire mûvîrîga wa Juda umage atongoria na kuuma mûvîrîgarî wa Juda nîwathuurire nyomba yetû, na kuuma mûciî wa vava nîwakenirue nînie na akîndua mûthamaki wa Isiraeli.

1Maû 28:4 ပူးပေါင်းရင်းမြစ်များ

2Sam 5:3

Kwoguo atongoria onthe a Isiraeli nîmaathiîre kwî mûthamaki kûu Heburoni. Mûthamaki Daudi nîwathondekire kîrîkanîro nao na makîmwîtîrîria maguta nîguo atuîke mûthamaki wa vûrûri wa Isiraeli.

1Maû 17:23

“Ngai-Mûnene tûma maûndû marîa waririe megiî ndungata yaku na megiî nyomba yake mavinge tene na tene, na wîke wata ûrîa waugire nî ûgeeka.

1Maû 17:27

Kwoguo nîngûkûria ûrathime andû a nyomba ya ndungata yaku nîguo matûûre mbere yaku tene na tene, nîûndû we Ngai-Mûnene arîa magûkenagia kîrathimo gîaku gîtûûraga kûrî o tene na tene.”

1Maû 5:2

Juda nîke wagîre vinya gatagatî ka aa mûrwang'ina acio engî, na mûthamaki aaumire mûvîrîgarî ûcio. Nwatî maûndû marîa maagîrîrwe kwîthîrwa marî ma Reubeni ma ûrikithathi maaverwe avîcî a Josefu.)

2Maû 6:6

Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”

Thaburi 108:8

Gileadi nî yakwa, na Manase nî yakwa; Efiraimu nî ngovia yakwa ya kûgitîra kîongo, Juda nî mûragi wakwa wa ûtongoria.

Thaburi 18:19

Nîwandethirie ngiuma thînarî, aamvonokirie nîûndû nîwakenire nînie.

Thaburi 60:7

Gileadi nî yakwa, na Manase nî yakwa; Efiraimu nî ngovia yakwa ya kûgitîra kîongo, nayo Juda nîyo mûragi wakwa wa ûthamaki.

Thaburi 89:4

‘vîndî cionthe ngaathuuraga mûndû kuuma njiarwarî ciaku arî mûthamaki, na nîngaatûma ûthamaki waku ûtûûre tene na tene.’ ”

Ahib 7:14

Nîgwîcîkene waro atî ke aaumîte mûvîrîgarî wa Juda. Rîrîa Musa aaragia îgûrû rîa athînjîri-Ngai ndaagweta wanarî ûndû wîgiî mûvîrîga ûcio.

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 26:1

Andû amwe nîmaaumire Zifu na makîthiî kûrî Saûlo kûu Gibea. Nao nîmaamwîrire atî Daudi eethithîte kîrîmarî gîa Hekila, kîrîa kîrî mûthiiarî wa werû wa Judea.