1Maû 27:25 - ÎVUKU RÎA ÛVORO MWARO

²⁵ Mama marûmîrîrîte nî marîîtwa ma andû arîa maamenyagîrîra ûtonga wa mûthamaki: Azamavethi mûvîcî wa Adieli aarî mûnene wa nyomba irîa ciaigagwa indo cia mûthamaki. Jonathani mûvîcî wa Uzia aarî mûnene wa nyomba cia kwigwa indo vûrûrirî, matûûrarî, icagirî na nyomba cia îgûrû.

1Maû 27:25 ပူးပေါင်းရင်းမြစ်များ

Kîam 41:48

Nake Josefu nîwaûnganagia irio icio agaciga matûûrarî marîa manene. Wa îtûûrarî nîwaigaga irio cia kuuma mîgûndarî îrîa îrî vakuvî narîo.

2Sam 23:31

Abialiboni wa kuuma Araba, Azimavethi wa kuuma Bahurimu,

2Atha 18:15

Hezekia nîwatûmîre mûthamaki wa Asîria sîlûva yonthe îrîa yarî hekarûrî na îrîa yarî mûciî kwa mûthamaki.

1Maû 27:24

Joabu mûvîcî wa Zeruia nîwambîrîrie gûtara andû a Isiraeli, nwatî ndaanarîkia wîra wa kûmatara. Isiraeli nîmaaverithirue nî Ngai nîûndû wa ûtarani ûcio, kwoguo mwîgana wa andû ndwandîkwa kûrîa kwandîkagwa maûndû ma mûthamaki Daudi.

1Maû 27:26

Eziri mûvîcî wa Kelubu aarî mûnene wa andû arîa maarutaga wîra mîgûndarî ya vûrûri.

1Maû 28:1

Mûthamaki Daudi nîwathanire anene onthe a Isiraeli magomane Jerusalemu. Nao anene onthe a mîvîrîga, anene a ikundi cia andû arîa maarutaga wîra wa mûthamaki, anene a athigari ngiri îmwe, anene a athigari îgana, atongoria arîa maamenyagîrîra indo na ndîthia ya mûthamaki, avîcî ake, anene a mûciî wa mûthamaki na athigari na andû arîa maarî îgweta nîmaagomanire Jerusalemu.

1Maû 29:6

Atongoria a mbarî, anene a mîvîrîga, anene a athigari ngiri a mbaara, magana na arûngamîrîri a wîra wa mûthamaki nîmaarutire indo ciao na njîra ya kwîyendera.

2Maû 16:2

Asa nîwacokire akîruta sîlûva yonthe na thaavu kuuma hekarûrî na nyombarî ya mûthamaki. Nîwainenganîre kûrî ndungata ciake na agîciîra ivirîre Benihadadi, mûthamaki wa Sîria, ûrîa watûûraga Damesiki akîmwîra atîrî,

2Maû 26:10

Wana nîwatumire nyomba ndaca werûrî na akînja iriko nyîngî cia manjî kuo nîûndû aarî na ndîthia nyîngî kûu Shefela na kûndû kûrîa kwarî kwaraganu. Aarî na andû maarutaga wîra mîgûndarî ya mîthavibu irîmarî na kûndû kûrîa kwarî kûnoru nîûndû nîwendeete kûrîma mûno.

Ntha 1:11

Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.

Jeremia 41:8

Nwatî gatagatî ka andû acio vaarî na arûme îkûmi arîa merire Ishumaeli atîrî, “Ndugatûrage nîûndû tûrî na ngano, cairi, maguta na ûûkî tûthithîte mîgûndarî.” Kwoguo Ishumaeli ndaamaûraga.